"Səsli zənglər" funksiyasından sonra "Whastapp" yeni funksiya - "video görüntülü zənglər" üzərində işləyir
Təqribən bir il gəzən söz-söhbətdən sonra "Whatsapp" səsli zəng funksiyası nəhayət ki, "iPhone" və "Android" əməliyyat sistemlərinə tam olaraq inteqrasiyası olundu. Populyar söhbət proqramı beləliklə "Skype", Viber və digər rəqiblərinin qarşısında gücləndi.
Bəs "Whatsapp"ın səsli zəng funksiyası haqqında nələri bilməlisiniz?
Zəng funksiyasını istifadə etmək üçün əvvəlcə "Whatsapp"ı son variantına güncəlləməniz lazımdır. Bunu etmək üçün telefonunuzun tətbiqlər mağazasını ("iStore", "Google Play") açaraq yeniləmə prosesinə başlayın.
"Whatsapp"ın səsli zəng funksiyası internet üzərindən işləyir. Buna görə də "Whatsapp" ilə edəcəyiniz zənglər üçün mobil operatorunuza danışıq üçün ödəniş etmirsiniz. Bir sözlə "Whatsapp"ın səsli zəng funksiyası eyni "Skype" və oxşar tətbiqetmələr kimi çalışır.
Ancaq internetə "3G" ilə bağlı ikən etdiyiniz zənglər üçün mobil operatorunuzdan internet paketiniz varsa oradan, əgər internet paketiniz yoxdursa balansınızdan pul olaraq silinəcəyini xüsusi olaraq qeyd etmək vacibdir. "Whatsapp" üçün istifadə etdiyiniz trafik həcmini telefonunuz tənzimləmələrindən izləməyiniz mümkündür.
"Whatsapp"ın yeni funksiyası ilə nələr edilə bilər?
"Whatsapp"ın səsli zəng funksiyasına malik olsanız tətbiqetmənin interfeysində "zənglər", "söhbətlər" və "adamlar" (kitabça) olmaq üzrə üç pəncərə (tab) görəcəksiniz. İlk tab olan "zənglər"də öncəki etdiyiniz zəngləri də görə bilərsiniz.
"Whatsapp" hazırda sadəcə səsli zənglərə icazə verir, hələlik video görüntülü söhbət etmək imkanı yoxdur.
Qeyd edək ki, "Whatsapp" yaxın müddətdə video görüntülü zənglər ilə qarşımıza çıxmağa hazırlaşır. (Ölkə.Az)
Xəbərdən istifadə edərkən istinad etmək vacibdir.
