Uzun illərdir onkoloji xəstəlikdən əziyyət çəkən Günel adlı Sumqayıt sakini, 12 yaşlı oğul anası Xeberle.com portalına məktub yazıb. Məktubu olduğu kimi təqdim edirik. 

Dəstəyinizi əsirgəməyin!

Salam-əleyküm, əziz müsəlman və mömin bacı-qardaşlar. Sizlərin köməyinə ehtiyacım var. Adım Güneldir, Sumqayıt şəhərində yaşayıram. Mən 2007-ci ildən onkoloji xəstəlikdən əziyyət çəkirəm, xəstəliyimin diaqnozu - bağırsağımda poliblərin əmələ gəlməsidir, çox əzab çəkirəm. 8 ildir bu xəstəliyimlə mübarizə aparıram. Sumqayıt şəhər Onkoloji Xəstəxananın və Milli Onkologiyanın xəstəsiyəm.

12 yaşda bir oğlum var, ona görə yaşamaq istəyirəm, istəmirəm ondan ayrılam. Allahdan ömür yox, möhlət istəyirəm, onu böyüdüm. Xəstəliyimlə bağlı ildə bir dəfə əməliyyat olunuram və 3 aydan bir müalicələr və kimya terapiyası alıram. Bunları 6 il idi qardaşımın hesabına edirdik, amma 2013-cü ildə iş yerində qəza nəticəsində əcəl onu bizdən aldı. O gündən çətin günlərim başladı. Həm əməliyyatlarım, həm müalicələrim, həm də dolanışığım ağırlaşdı. Köməyim olmadı, özümün də səhhətimə görə işləməyə gücüm yoxdur. 2-ci qrup əlillik dərəcəsi almışam, 50 AZN sosial pensiya alıram. Amma bu, mənim nə müalicəmə, nə də yeməyimə çatmır. Qardaşımın ölümündən sonra paylaşdığım elandan sonra Mömin bacı-qardaşlar, yardımsevər insanlar köməyim oldu. Allah hər kəsdən razı olsun, etdiklərinin əvəzini hər iki dünyada versin. Amma yenə köməyə ehtiyacım var, çünki mənim yaşamağım üçün daima müalicə lazımdır. Mənim xəstəliyimin tam sağalıb keçməsi yoxdur. Ancaq müalicə ilə yaşamalıyam…
Övladım üçün müalicə alıb yaşamaq istəyirəm. Mənə kömək edin, nə olar?! Sizlər də anasız-atasız. Övladımın xətrinə, kömək edin. Sizə uzatdığım əlimi boş çevirməyin. Bu yazını yazanda çox xəcalət çəkirəm, amma inanın yaşamağa ehtiyacım var, yalnız övladım uğrunda yaşamaq istəyirəm. Ondan ayrılmaq istəmirəm!
Müsəlman bacı-qardaşlar, sizlərin köməyinə ehtiyacım var. Göydə Rəbbim, yerdə siz vəsilələrdən, vasitəçilərdən kömək istəyirəm. Siz də valideynsiniz, mənə kömək edin. Mənim nə çəkdiklərimə Rəbbim şahiddir. Nə olar, müalicəm üçün mənə maddi yardım edəsiniz. Allaha xatir, mənim bu yazımı paylaşın, oxuyub keçməyin, nə olar. Əhli-beytə xatir, kömək edin və elanımı paylaşın. Bir uşaq anasının sizlərin köməyinə ehtiyacı var. Mənim balamdan ayrılmağıma imkan verməyin. Bunu Rəbbimdən və Siz Müsəlmanlardan istəyirəm. Bu həyat bizim üçün bir sınaqdır, imtahandır. Heç kim bu həyatda heç nədən sığortalanmayıb.
Müsəlman bacı-qardaşlar, məni bu çətin vəziyyətimdə tək qoymayın, övladıma xatir, kömək edin və bu yazımı bacardığınız qədər paylaşın. Yaşamağa EHTİYACIM var. Allah hər birinizdən raz olsun!
(Əlaqə nömrəm 051-489-72-77)