Nəqliyyat Nazirliyinin mülkü geyimli işçiləri Sumqayıtda "iş başında”dır. 
Artıq bir neçə müddətdir ki, Sumqayıt şəhərində Nəqliyyat Nazirliyinin mülkü geyimli işçiləri "1 manatlıq” yol maşınlarının fəaliyyətinə mane olur və saxlayaraq cərimələr yazır. Məlumatda qeyd olunur ki, son vaxtlar əsasən 18-ci mikrorayon dairəsi, "Elmar” marketin ətrafında Bakıya gedən yol maşınlarının sərnişin götürməsinə imkan vermirlər. Belə ki, həmin ərazidə dayanan mülki geyimli Nəqliyyat Nazirliyinin "işçi”ləri maşına əyləşərək ilk öncə "neçəyə gedirsən?” sualını verir və cavab alan kimi cibindən sənəd çıxardaraq sürücülərin sənədləri əlindən alınır və cərimə yazılır. Məlumatda verən şəxs bildirir ki, Nəqliyyat Nazirliyinin Bakı-Sumqayıt istiqamətində nəqliyyat sistemini nizamlamadan bu cür addım atması hər gün Bakıya iş dalınca gedən şəhər sakinlərinin vəziyyətini daha da çətinləşdirir.(sumqayitxeber.com)