Sumqayıtda Azərbaycan Qızıl Aypara Cəmiyyətinin (QAC) 95, hərbi xadim Əliağa Şıxlinskinin anadan olmasının 150 və Beynəlxalq Qırmızı Xaç və Qızıl Aypara Cəmiyyətləri Federasiyasının fundamental prinsiplərinin yaranmasının 50 illik yubileyləri münasibəti ilə tədbir keçirilib. H.Ərəblinski adına Sumqayıt Dövlət Müsiqili Dram Teatrında baş tutan tədbiri Azərbaycan Qızıl Aypara Cəmiyyətinin Sumqayıt şəhər bölməsinin sədri Mətanət Məhərrəmova qonaqları salamlayara açıq elan edib. M. Məhərrəmova əlamətdar gün münasibətilə qonaqları və cəmiyyətin numayəndələrini təbrik edib.
Sonra Azərbaycan Qızıl Aypara Cəmiyyətinin prezidenti, Milli Məclisin deputatı Novruz Aslanov və Sumqayıt şəhər İcra Hakimiyyəti başçısının müavini Rövşən Sadıqov çıxış edib. N. Aslanov Azərbaycan Qızıl Aypara Cəmiyyətinin keçdiyi yoldan, fəaliyyət istiqamətlərindən danışıb.
Rövşən Sadıqov QAC Sumqayıt şəhər bölməsinin şəhərdəki fəaliyyətindən, gördüyü işlərdən, şəhərin ehtiyaclı ahıllarına göstərdiyi qayğıdan söz açaraq rəhbərliyə öz minnətdarlığını bildirib.
Beynəlxalq Qırmızı Xaç Komitəsinin Azərbaycan numayəndəliyinin rəsmisi Rasim Allazov isə hərəkatın həyata keçirdiyi layihələrdən bəhs edib və hər kəsi yubileylər münasibətilə təbrik edib.
Daha sonra QAC Sumqayıt şəhər bölməsinin fəaliyyətində göstərdiyi dəstəyə görə idarə, müəssisə nümayəndələrinə və fəal könüllülərə "Fəxri fərman” lar verilib.
Tədbir bədii hissə ilə başa çatıb.
Xeberle.com