"Mirvari Dilbazi Poeziya Məclisi”nin təşəbbüsü, həmçinin Sumqayıt Dövlət Rəsm Qalereyası və Əli Kərim adına Sumqayıt Poeziya Evinin birgə təşkilatçılığı ilə, Sumqayıt Şəhər Poeziya Evində "Şəhidlər rəssamların əsərlərində” adı altında baş tutan tədbirin də əsas məğzi bu idi. Bu dəfə Azərbaycan Rəssamlar İttifaqının üzvü, rəssam Gülnarə Məmmədlinin rənglər dünyasında ərsəyə gələn 20-yə yaxın əsərlərin içərisində şəhidlərimiz Polad Həşimovun, Müşviq Məcidovun, Kənan Axundzadənin və Əli Mehdizadənin portretləri də yer almışdı.

"Vətən sevgim” adlı sərgi-tədbirdə iştirakçılar əvvəlcə təşkil olunmuş sərgi lə yaxından tanış oldular. Burada nümayiş olunan rəsm əsərlərində Azərbaycanın başına gətirilən müsibətlər, Xocalı qətliamı, təkcə Vətən müharibəsində deyil, hər zaman yanımızda olan, bizi dəstəkləyən Türkiyə dövlətinin başçısı R.T.Ərdoğanla Ölkə rəhbərimiz İ.Əliyevin qırılmaz birliyi, o taylı-bu taylı azərbaycanlıların ayrılıq həsrəti və digər mövzular öz əksini tapmışdı.

İctimai Birliyin rəhbəri Güllü Eldar Tomarlı tədbiri giriş sözü ilə açmış, iştirakçılar tərəfindən Dövlət himni oxunmuş, şəhidlərimizin ruhu bir dəqiqəlik sükutla yad edilmişdi. Sonra söz Gülnarə Məmmədliyə verilmişdi. O, öz yaradıcılığıyla bağlı məlumat vermiş, Zəfərə imza atan Vətən qeyrətli oğulların qəhrəmanlığını xüsusi vurğulamış, sonra isə şəhidlərə həsr olunmuş portretləri onların analarına, yaxınlarına təqdim etmişdi.

Tədbir iştirakçıları: SDRQ-nin direktoru Ellada Həsənova, Azərbaycan Rəsm Komitəsinin rəhbəri, ARİ-nin üzvü, Uluslararası Aktivist Sanatçılar Birliyinin təmsilçisi, rəssam Nəvai Mətin, Sumqayıt Poeziya Evinin direktoru İbrahim İlyaslı, İctimai xadim Yasəmən Möhübbətqızı, I Qarabağ müharibəsi qazisi Arif Məhərrəmov, "Ailələrə dayaq” Xeyriyyə İctimai Birliyinin sədri Natəvan Əliyeva, TTS şirkətinin əməkdaşı Murad Əsədov və başqaları çıxışlarında "Bütöv Azərbaycan” naminə haqq savaşında sözünü mətinliklə deyən oğulların misilsiz şücaətlərindən, azad olunmuş torpaqlarda aparılan yenidənqurma və quruculuq işlərindən danışmış, belə tədbirlərin gənclərin vətənpərvərlik ruhunda tərbiyəsinə müsbət təsirini vurğulamışlar. Ürək sözlərini bildirən şəhid anaları, göstərilən diqqətə görə, təşkilatçılara öz təşəkkürlərini bildirmişlər.

Tədbirin sonunda şəkillər çəkillərək tarixin yaddaşına həkk olunmuşdu.

Aygün Hacıyeva,

AJB, AYB və AAB-nin üzvü