"Hər zaman olduğu kimi hökumət üzvlərinin iştirakı ilə keçirdiyimiz iclasda deputatı olduğum Sumqayıt şəhəri ilə bağlı bir sıra problemləri diqqətə çatdırdım".
Bunu Xeberle.com-a açıqlamasında millət vəkili Emin Hacıyev deyib. O Milli Məclisin 15 mart tarixli plenar iclasında Nazirlər Kabinetinin hesabatında Sumqayıt şəhər sakinlərini narahat edən problemləri xüsusi vurğulayıb:
"İlk öncə Sumqayıt şəhərinin 2-ci əsas girişi - Saray qəsəbəsi istiqamətində yerləşən körpünün qəzalı vəziyyətdə olduğunu bildirərək bu məsələ ilə bağlı zəruri tədbirlərini görülməsinə ehtiyac olduğunu bildirdim.
Seçicilərimizin ən çox dilə gətirdiyi növbəti məsələ isə Sumqayıt şəhərinin istilik təchizatı ilə bağlıdır. Bununla əlaqədar müvafiq addımların atılmasının zərurətini qeyd etdim.
Son olaraq xaricdə yaşayan azərbaycanlılar üçün yay, qış düşərgələrinin sayının artırılmasını və onlara hüquqi yardım göstərilməsi təklifi ilə çıxış etdim. Dövlətimiz hər zaman xaricdə yaşayan soydaşlarımıza dəstək olmuşdur. Hesab edirəm ki, bu soydaşlarımız üçün müəyyən güzəştlərin tətbiq olunması təqdirəlayiq addım olar".
Elşən Yəhyayev
Xəbərdən istifadə edərkən istinad etmək vacibdir.
