Sumqayıt şəhərində ağacların dibinə neft töküldüyü iddia edilir.
Xeberle.com məlumat verir ki, bununla bağlı videogörüntü sosial şəbəkədə yayımlanıb.
Sumqayıt sakini iddia edir ki, şəhərin 18-ci mikrorayon ərazisində General Məhəmməd Əsədov küçəsində yolboyu olan yaşlı ağacların quruması üçün diblərinə neft tökülüb.
Məsələ ilə bağlı artıq rəsmi açıqlama verilib. Dövlət Ekoloji Təhlükəsizlik Xidmətinin rəsmisi Bəhruz Məhəmmədov bildirib ki, sözügedən məsələdən xəbərdardırlar və hazırda qurumun əməkdaşları tərəfindən araşdırma aparılır.
Xəbərdən istifadə edərkən istinad etmək vacibdir.
