Sən demə, uşağa yatmazdan əvvəl nağıl danışmaq onun nitqinin formalaşmasında ən önəmli yeri tuturmuş.

Bunu  ilk dəfə elmi müstəvidə Amerika Birləşmiş Ştatlarının Sinsinnati Universitetinin mütəxəsissləri isbat ediblər. Alimlər qeyd edib ki, nağıl azyaşlılarda beynin formalaşmasında əsas rol oynayır, xüsusilə də axşam  danışılan nağıl yaddaşın möhkəmlənməsinə kömək edir.

Nağılın əhəmiyyətini üzə çıxarmaq üçün 3 yaşından 5 yaşınadək 19 sağlam uşağın üzərində araşdırma aparılıb. Uşaqların 10-una hər gecə anası nağıl oxuyub. 9 uşaq isə sadəcə beşikdə yatızdırılıb. Bir neçə həftə sonra alimlər balacaların beynini  kompyuter vasitəsilə test edib.

Nəticələr gözlənildiyi kimi olub. 10 nəfər nağıla qulaq asan balacanın beyninin nitqə cavabdeh hissəsində fəallaşma və ümumilikdə beyində xeyli irəliləyiş müşahidə edilib. 9 nağılsız qalan körpənin isə beyninin nitqə cavabdeh hissəsi 10 həmyaşıdından geri qalıb. Bununla da balacalara yuxudan əvvəl nağıl danışmağın onların həm nitqinə, həm dünya görüşünə, həm də beyninin inkişafına olan əvəzsiz təsiri ilk dəfə elmi miqyasda isbat edilib. (atv.az)