Sumqayıt şəhərində yol infrastrukturunun inkişafı ilə bağlı işlər davam etdirilir. Sumqayıt Şəhər İcra Hakimiyyəti tərəfindən hazırlanmış tədbirlər planına uyğun olaraq asfaltlanma işləri həm avtomobillərin intensiv hərəkət etdiyi küçələrdə, həm də məhəllələrarası yollarda aparılır.
Sumqayıt şəhər İcra Hakimiyyətinin mətbuat xidmətinin məlumatına görə, hazırda Sahil küçəsində asfaltlanma işləri həyata keçirilir.
Sumqayıt İcra Hakimiyyəti şəhərdə yol infrastrukturu layihələrini genişləndirməyi planlaşdırır. Yaxın gələcəkdə daha bir neçə mühüm küçə və prospektdə oxşar təmir işlərinin başlanılacağı gözlənilir.
Xəbərdən istifadə edərkən istinad etmək vacibdir.
