Sumqayıtda “Yaşıl dünya naminə həmrəylik ili” çərçivəsində keçirilən debat turniri sona çatıb

Sumqayıtda “Yaşıl dünya naminə həmrəylik ili” çərçivəsində keçirilən debat turniri sona çatıb - FOTOLAR

Tarix: 26-04-2024, 12:45 Oxunma sayı: 343 Bölmə: Cəmiyyət / Sumqayıt

YAP Sumqayıt şəhər təşkilatında "Yaşıl dünya naminə həmrəylik ili” çərçivəsindəkeçirilən silsilə tədbirlərdən olan debat turniri sona çatıb.

Xeberle.com xəbər verir ki, turnirin ümumi devizi "Ekoloji layihələrin həyata keçirilməsi və ətraf mühitin qorunması” olub. Turnirin yekun tədbirində YAP İdarə Heyətinin üzvü, Sumqayıt şəhər təşkilatının sədri Ramiz Hüseynov, Sumqayıt şəhər İcra Hakimiyyətinin şöbə müdiri Fərman Kazımov, Sumqayıt Dövlət Universitetinin prorektoru Elmar Xəlilov, Azərbaycan Vətənpərvərlər İctimai Birliyinin Sumqayıt bölməsinin rəhbəri Mahir Məmmədov, Dövlət Ekoloji Ekspertiza Agentliyinin mətbuat katibi Elnur Ağayev, qazilər, ictimaiyyət nümayəndələri və Sumqayıt Dövlət Universitetinin fəal tələbələri iştirak edib.

Əvvəlcə Dövlət Himni səsləndirilib, ümummilli lider Heydər Əliyevin vəAzərbaycanın ərazi bütövlüyü uğrunda canlarını qurban vermiş Şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə açan Ramiz Hüseynov bildirib ki, bu gün dünyanı narahat edən qlobal problemlərdən biri də iqlim dəyişmələridir. İqlim dəyişiklikləri və onların canlı aləmə təsiri dünya birliyini getdikcə daha çox narahat etməkdədir. Ölkəmiz də qlobal iqlim dəyişmələrinin təsirindən kənarda qalmamışdır. Kənd təsərrüfatı, su resursları, enerji, meşə, turizm, səhiyyə sektoru və sahilyanı zonaları Azərbaycanda iqlim dəyişikliyinə həssasdır. Bu problemə qarşı mübarizədə diqqətin artması, beynəlxalq həmrəyliyin gücləndirilməsi məqsədilə Azərbaycan Respublikasının Prezidenti cənab İlham Əliyev 25 dekabr 2023-cü il tarixdə 2024-cü ilin "Yaşıl dünya naminə həmrəylik ili” elan edilməsi haqqında sərəncam imzalayıb. Bu sərəncam Azərbaycanın qlobal təşəbbüslərə ilk qoşulan ölkələrin sırasında olduğunu bir daha sübut edir.

Tədbirdə çıxış edən Fərman Kazımov, Elmar Xəlilov, Mahir Məmmədov, Elnur Ağayev, professor Adil Baxşəliyev, dosent Rəhilə Əhmədovaregionun ən güclü dövləti olan Azərbaycanın nüfuzunun durmadan artdığını, ölkəmizin qlobal beynəlxalq tədbirlərin keçirilməsinə ev sahibliyi etdiyini, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası – COP29 kimi mötəbər bir tədbirin Azərbaycanda keçirilməsini beynəlxalq ictimaiyyət tərəfindən Azərbaycana böyük hörmət və etimadın göstərilməsinin bariz nümunəsi olduğunu qeyd ediblər.Çıxış edənlər həmçinin Beynəlxalq birliyin Azərbaycan Prezidenti İlham Əliyevin yürütdüyü siyasətə dünya səviyyəsində olan böyük hörməti, möhkəm dəstəyi nümayiş etdirdiyini vurğulayıblar.

Çıxışlardan sonra debat turnirinin finalında Sumqayıt Dövlət Universitetinin tələbələrindən ibarət"Ekoritm” və "Yaşıl dalğa” komandaları arasında mövzuya uyğun debat keçirilib. Debat turnirinin finalında iştirak edən tələbələrə sertifikatlar təqdim olunub və xatirə şəkli çəkdirilib.

Tədbirin sonunda Yeni Azərbaycan Partiyasının himni səsləndirilib.