Mayın 8-də Qərbi Azərbaycan İcması Sumqayıt şəhər Nümayəndəliyinin ofisində Sumqayıt yəhudi dini icmasının ravvini Laixter Mendellə görüş olub.
Xeberle.com xəbər verir ki, görüşdə QAİ Sumqayıt nümayəndəliyəndəsi Ramiz İsmayılov İcmanın məqsədi və məramı barədə Laixter Mendelə geniş məlumat verib. R.İsmayılov vurğulayıb ki, ermənilər son bir əsrdə öz havadarlarının köməkliyi ilə Qərbi Azərbaycanlıları dörd dəfə öz ata-baba yurdlarından deportasiya edib. Hansı ki, tarixi faktlar özü də o torpaqların bizə məxsus olduğunu təsdiqləyir. Lakin buna baxmayaraq ermənilər bizləri öz yurdumuzdan qovublar. Bu gün heç bir Qərbi Azərbaycanlı orada uyuyan öz doğmalarının məzarlarını ziyarət edə bilmir.
Bundan başqa R.İsmayılov yəhudi və azərbaycan xalqları arasında səmimi bağların olduğuna diqqət çəkərək məmnunluğunu bildirib.
Öz növbəsində ravin Laixter Mendel səmimi qəbul və ətraflı məlumat üçün R.İsmayılova minnətdarlığını bildirib. O öz ölkəsinin bu məsələdə Azərbaycanı dəstəklədiyini dilə gətirərək əlavə edib ki, bundan sonra da əlaqələrin genişlənmdirilməsi vacibdir.
Görüşdə razılığa gəlinib ki, QAİ Sumqayıt nümayəndəliyi ilə Sumqayıt yəhudi dini icması arasında mütəmadi əlaqələr yaradılsın.
Qeyd edək ki, görüşdə QAİ Sumqayıt nümayəndəliyinin idarə heyyətinin üzvləri, Akif Şahbazov, Elçin Abdullayev və QAİ Sumqayıt nümayəndəliyinin Qadınlar Şurasının sədr müavini Əntiqə Rzayeva və QAİ Sumqayıt nümayəndəliyinin Gənclər Birliyinin üzvü Fariz Orduxanov iştirak ediblər.
Xəbərdən istifadə edərkən istinad etmək vacibdir.
