Xızı rayonunda Müasir, Müstəqil Azərbaycanın qurucusu, Ümummilli Lider Heydər Əliyevin 101 illiyinə həsr edilmiş konfrans keçirilib.
Xeberle.com xəbər verir ki, bu barədə açıqlamasında deputat Müşfiq Məmmədli məlumat verib.
Bildirib ki, ilk olaraq müstəqil Azərbaycan dövlətinin banisi, Yeni Azərbaycan Partiyasının qurucusu Ulu Öndər Heydər Əliyevin və Azərbaycanın ərazi bütövlüyü uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edildi:
"Ulu Öndər Heydər Əliyevin həyat və fəaliyyətindən bəhs edən videoçarx nümayiş etdirildi. Daha sonra Ulu öndərin siyasi fəaliyyəti barədə çıxış etdik, keçdiyi ömür yoluna nəzər saldıq. O cümlədən Yeni Azərbaycan Partiyası sıralarına yeni qəbul olunmuş gənclərə üzvlük vəsiqələri təqdim olundu. Bir qrup partiya fəalı Yeni Azərbaycan Partiyası Xızı rayon təşkilatının Fəxri Fərmanı ilə təltif edildi", deputat vurğulayıb.
Qeyd edək ki, konfransda Xızı rayon İcra Hakimiyyətinin başçısı Xəzər Aslanov, Yeni Azərbaycan Partiyası Xızı rayon təşkilatının sədri Ayaz Quliyev və partiya fəalları iştirak edib.
Xəbərdən istifadə edərkən istinad etmək vacibdir.
