"Sumqayıt bələdiyyəsi vətəndaş məmnunluğunun təmin edilməsi məqsədiylə layihələrin icrasını davam etdirir”
Bu fikirləri belediyye.info-ya Sumqayıt Bələdiyyəsinin sədri vəzifəsini icra edən Orxan Adıgözəlzadə bildirib.
Orxan Adıgözəlzadə bildirib ki, Sumqayıt Bələdiyyəsinin 2024-cü il üçün təsdiq etdiyi sosial-iqtisadi proqrama uyğun olaraq fəaliyyətini davam etdirib və sakinlərin müraciətlərinə uyğun olaraq şəhərin bir sıra ərazilərində asfalt vurulmasını həyata keçirib.
Belə ki, məktəblərə əhalinin və şagirdlərin gediş-gəlişinin rahatlığını təmin etmək üçün şəhər ərazisindəki bərbad vəziyyətə düşmüş yolları Sumqayıt şəhər İcra Hakimiyyətinin dəstəyi ilə asfalt vurulub.
Qeyd edək ki, bələdiyyənin maliyyə dəstəyi ilə bu dəfə 23, 26, 30, 35 saylı məktəblərə, 47, 54, 71 saylı bağçalara və 43 saylı seçki dairəsinə aparan yollara asfalt vurulub.
Orxan Adıgözəlzadə bildirib ki, şəhər bələdiyyəsi olaraq bizim üçün ən önəmli məsələ sakinlərimizin sosial-rifahının təmin edilməsidir.
Xəbərdən istifadə edərkən istinad etmək vacibdir.
