Bu günlərdə Azərbaycan Aşıqlar Birliyinin Sumqayıt Regional Bölməsinin üzvlərinin iştirakı ilə, Sumqayıt Poeziya Evində seçki yığıncağı keçirildi. Bölmənin üzvlərinin namizədliyi ilə, Aşıq Çərkəz Qurbanovun AAB SRB-nin rəhbəri vəzifəsinə namizədliyi irəli sürüldü. Səsvermə yolu ilə, Aşıq Çərkəz Qurbanovun namizədliyi təsdiqləndi.
AAB-nin sədri, professor Məhərrəm Qasımlının 07.05.2024-cü il tarixli əmri ilə, Aşıq Çərkəz Qurbanov SRB-nin rəhbəri vəzifəsinə təyin olundu.
Qeyd edək ki, SRB-nin 25.06.2022-ci il tarixədək rəhbəri tanınmış pedaqoq, bir çox mükafatların sahibi, AYB və AJB-nin üzvü, neçə-neçə kitabın müəllifi, şair Qənirə Mehdixanlı olmuşdu. Q.Mehdixanlı dünyasını dəyişəndən sonra, bu vəzifəni, müvəqqəti olaraq, bölmədə sədr müavini işləmiş Çərkəz Qurbanov aparmışdı.
AAB-nin Sumqayıt Regional Bölməsinin sədri Aşıq Çərkəz Qurbanovu yeni təyinatı münasibətilə təbrik edir, ona işlərində uğurlar diləyirik.
Xəbərdən istifadə edərkən istinad etmək vacibdir.
