"Sağlamlıq problem olması ilə bağlı seçki məntəqələrinə gələ bilməyən vətəndaşlar üçün yaşadıqları yerə səyyar seçki qutusu aparılacaq”.
Xeberle.com xəbər verir ki, bunu MSK-da keçirilən müşavirədə daxili işlər nazirinin müavini Oqtay Kərimov deyib.
O. Kərimov, həmçinin qeyd edib ki, seçki günü Daxili İşlər Nazirliyinin (DİN) müəssisələri gücləndirilmiş iş rejimində çalışacaq:
"Milli Məclisə seçkilərdə Daxili İşlər Nazirliyi orqanlarının rolu və fəaliyyəti istiqamətində təxirəsalınmaz hazırlıq işləri davam etdirilir. Belə ki, ölkədə qeydiyyatda olan, eləcə də ölkədən kənarda yaşayan və ya işləmək üçün xaricə gedənlərin siyahısı da müəyyənləşdirilir”.
"Polis orqanlarına daxil olmuş müraciətlərə təxirə salınmadan baxılıb, cavablandırılacaq. Seçki bitəndən sonra bülletenlər və seçki protokolları polisin müşayiəti ilə aparılacaq. Qanunsuz aksiyaların, ictimai asayişin pozulması hallarının qarşısının alınması üçün bütün tədbirlər görüləcək”, - nazir müavini bildirib.
Xəbərdən istifadə edərkən istinad etmək vacibdir.
