Gənclər və İdman Baş İdarəsinin təşkilatçılığı ilə 10-12 mart 2022-ci il tarixlərində 27 nömrəli tam orta məktəbin idman zalında "Uşaq Hüquqlarının qorunması”na həsr edilmiş 2005-2006-cı il təvəllüdlü qızlar arasında voleybol üzrə şəhər birinciliyi keçirilmişdir. Gərgin və maraqlı idman mübarizəsi şəraitində keçən yarışda "Təhsil” Respublika İdman Mərkəzinin Sumqayıt şəhər 1 nömrəli İxtisaslaşdırılmış Uşaq-Gənclər İdman-Şahmat Məktəbinin komandası bütün rəqiblərinə qalib gələrək fəxri kürsünün ən yüksək pilləsinə yüksəlmişlər. 21 və 27 nömrəli tam orta məktəbin komandaları isə müvafiq olaraq ikinci və üçüncü yerləri tutmuşlar.
Yarışın qalib və mükafatçıları şəhər Gənclər və İdman Baş İdarəsinin fəxri fərman, medal və hədiyyələri ilə təltif olumuşlar.
Xəbərdən istifadə edərkən istinad etmək vacibdir.
