Son vaxtlar Müsavat Partiyasından üzvləri kütləvi şəkildə istefa verməsi partiya daxilində baş verən anti-demokratik fəaliyyətlə bağlıdır və bu, tamamilə gözlənilən idi.
Bu fikri partiyanın keçmiş üzvu, politoloq Qabil Hüseynli bildirib.
O deyib ki, bu hadisələrin bünövrəsi partiyanın son 8-ci qurultayında qoyulub. İndi istefa verənlər qurultayın qeyri-legitim keçməsini, partiya sədrinin seçilməsində səsvermənin doğru olmadığını düşünürlər. Onlar yeni sədrin qanunsuz seçildiyini iddia edirlər. Qubad İbadoğlunun tərəfdarları yeni qurultayın, konfransın və nümayəndələrin seçilməsini istəyirlər. Onların iddiasına görə, elə rayon var, heç orada partiyanın təşkilatı yoxdur, amma nümayəndə seçilib. Məsələn, Daşkəsəndə, Samuxda partiyanın yerli təşkilatı yoxdur, amma oradan qurultaya nümayəndələr Gəncədən seçiliblər.
Onun sözlərinə görə, bu, manipulyasiyadır. Seçkilərdə Arif Hacılı 32 səslə qələbə qazanıb. İndi Qubad İbadoğlunun tərəfdarları deyirlər ki, qurultaya nümayəndələr saxta seçildiyi üçün səsvermənin nəticəsi legitim deyil.
Q.Hüseynli deyib ki, o vaxtdan başlayan ziddiyətdir indi getgedə daha da böyüyür. Ümumiyyətlə, son dövrlər partiyadan sakit-səssiz gedənlər haylı-küylü gedənlərdən çoxdur: "Müsavat yavaş-yavaş əriyir. Proqnoz belədir ki, Müsavat Partiya kimi qalacaq, çünki bu ideya böyük ideyadır. Lakin üzvləri minlərlə yox, yüzlərlə, onlarla olacaq, ümummilli partiya olmayacaq. Partiyanın Bakı və ətraf rayonlardan başqa heç yerdə rayon təşkilatları yoxdur. Düşünürəm ki, müəyyən təşkilatlanma gedəcək və müsavad ideyasının daşıyıcıları Qubad İbadoğlunun yaratdığı təşkilatın ətrafında birləşəcəklər."
O diqqətə çatdırıb ki, baş verən proseslərin ssenari müəllifi partiyanın lideri İsa Qəmbərdir. Faktiki olaraq partiyanın rəhbəri odur. Arif Hacılı aşağı statusdadır. Partiya İsa Qəmbərin rəhbərliyi altında işləyir, çünki lider statusu daşıyır. Təbii ki, o, vəziyyəti bu həddə çatdırmamalı idi. Demokratik dəyərlərə, azad fikrə üstünlük verilməli idi. Çünki istənilən partiyada demokratik dəyəri onun üzvlərinin, onların fikirləri yaradır.
Xatırladaq ki, Müsavat Partiyası Xətai rayon təşkilatının 55 nəfəri bu gün bəyanat verərək istefa verib. (anspress.com)
Xəbərdən istifadə edərkən istinad etmək vacibdir.
