Əvvəlki yazımızda qeyd etdiyimiz kimi, Sumqayıt şəhərindən hər səhər saat 07.45-də Bakı istiqamətinə hərəkət edən ekspress vaqonlarının sayı yarıbayarı azaldılıb.
Abşeron yarımadası üzrə insan kütləsi sıxlığını nəzərə alsaq, vaqonların sayının azaldılmasında məqsəd nədir?
Daha öncə hazırladığımız yazıda ADY-nin Mətbuat Katibliyi şöbəsinin müdiri Sənubər Nəzərova Xeberle.com-un suallarını cavablandıraraq bildirmişdi ki, bayramqabağı sərnişin tələbatı çox olan istiqamətlər üzrə və qatarların dolumluluq səviyyəsinə görə vaqon sayı tənzimlənir. ADY rəsmisi onu da qeyd etmişdi ki, dəmir yolu qaydalarına əsasən istiqamətlər üzrə reys ləvğ edildikdə ictimaiyyət öncədən məlumatlandırılır. Bayramqabağı şəhərdən bölgələrə sərnişin axını çox olduğundan sərnişin tələbatının qarşılanması və istiqamətlər üzrə ən çox sıxlıq müşahidə olunan marşrutlar üzrə qatar və vaqon sayı müəyyən edilir.
Düzdür, bayramqabağı bölgələrə sərnişin axını olur. Anlaşılan səbəbdir. Bəs adi iş günlərində niyə ekspress vaqonların sayı 11-dən 7-yə salınıb?...
Qatarlar normal qrafiklə işləyəndə belə sıxlıq müşahidə edilir. Bəs, qatarların sayını azaltmaqla sıxlığın daha da gərginləşdirilməsində məqsəd nədir?
Qeyd: Mövzunu davam etdirəcəyik.
Elşən Yəhyayev
Xəbərdən istifadə edərkən istinad etmək vacibdir.
