"Qızım Nuranə Heydərova ağır xəstəlikdən əziyyət çəkir. Neyropatit adlanan bu xəstəliyin müalicəsi ancaq Türkiyədədir”
Bu barədə Xeberle.com-a onun anası Arzu Qurbanova məlumat verib:
"Qızım Nuranə 1996-cı il təvəllüdlüdür. İki oğul anasıdır. Birinin 9, digərinin 6 yaşı var. Sumqayıt şəhərində yaşayırıq. Artıq yeddi aydır ki, gizli xəstəliklə mübarizə aparır. Bu müddət ərzində Sumqayıt 4 nömrəli xəstəxanada və Bakıda M.Əliyeva adına Yeni Klinikada müalicə alıb. Hərtərəfli qan analizləri verib. MRT, İKT, UZİ hər birindən çıxıb. Əvvəlcə qaraciyər, sonra polimiozit, sonda isə neyropotiya xəstəliyi diaqnozu qoyuldu”.
Arzu Qurbanova qızının Türkiyəyə aparılıb müalicə edilməsi üçün yardım edilməsini xahiş edir:
"Neyropotiya xəstəliyi diaqnozunu Bakıda Can klinikasında uzman həkim, nevroloq Nailə Ələkbərova qoydu. Həkimin dediyinə görə, qızımın müalicəsi yalnız qardaş Türkiyədə aparıla bilər. Çünki bu xəstəliyin arxasında gizli simptomlar dayanır, bizdə isə bunu tapacaq avadanlıqlar yoxdur. Qızım tez bir zamanda Türkiyəyə göndərilməlidir. Buna isə bizim maddi durumunuz yol vermir. Çox xahiş edirəm ki, qızıma köməklik göstərəsiniz. Mən çarəsiz bir ana kimi sizə yalvarıram balamın xilası üçün mənə yardım edin. Övladım hər gün gözümün önündə xəstəlikdən əziyyət çəkir mən isə çarəsizəm. Qızımın fəryadına yetişin".
Yardım etmək istəyənlər:
+994 55 569 52 60 (anası) nömrəsi ilə əlaqə saxlaya bilərlər.
Kart hesabı: 4098 5844 9776 3936 (Leo Bank – Arzu Qurbanova, anası)
Elşən Yəhyayev
Xəbərdən istifadə edərkən istinad etmək vacibdir.
