Sumqayıt şəhər Heydər Əliyev Mərkəzində Gənclərin İnkişaf və Karyera Mərkəzinin Abşeron-Xızı regional nümayəndəliyi tərəfindən təşkil edilən hüquqi maarifləndirmə sessiyası baş tutub. Tədbirdə Azərbaycan Respublikasının Vəkillər Kollegiyasının üzvü, Sumqayıt Regional Vəkil Bürosunun rəhbəri Anar Qasımlı çıxış edib.
"Gənclər üçün hüquqi savadlılıq” layihəsi çərçivəsində təşkil edilən bu sessiya gənclərə ifadə azadlığı mövzusunda hüquqi biliklər qazandırmaq və onların hüquq sahəsinə marağını artırmaq məqsədi daşıyırdı.
Gənclərin hüquqi savadlılığına dəstək olmaq və hüquq sahəsində biliklərini inkişaf etdirmək istiqamətində fəaliyyət göstərən layihə çərçivəsində keçirilən bu görüş gənclər tərəfindən maraqla qarşılanıb.
Xəbərdən istifadə edərkən istinad etmək vacibdir.
