Sumqayıt şəhəri 6-cı mikrorayonda yerləşən "Al market"lər şəbəkəsinin dükanında kiflənmiş şirniyyat satıldığı barədə ötən yazımızda məlumat vermişdik.
Belə ki, Xeberle.com-a müraciət edən izləyicimiz bildirmişdi kiI, sözügedən şirniyyatı 4 yaşlı qızı üçün axşam saatlarında alıb: "Şirniyyatın üzərində 15.10.2024-ə qədər vaxtının olduğu qeyd edilmişdi. Bu məhsulu qızım üçün kursa almışdım ki yesin. Açandan sonra üzəri kif bağlmışdı. Yaxşı ki müəllimi aşkarlayaraq, qızıma yeməyə imkan verməyib”.
İzləyicimiz məsəylə bağlı Azərbaycan Respublikası Qida Təhlükəsizliyi Agentliyinə müraciət edib. Qurumdan müraciətə cavab olaraq bildirilib ki, araşdırma aparılıb və qeyd olunan məhsula marketdə rast gəlinməyib. Eyni zamanda bildirilib ki, qida təhlükəsizliyi sahəsində texniki normativ hüquqi aktların tələblərinin icra edilməsi barədə göstərişlər verilmiş, obyektin fəaliyyəti nəzarətə götürülmüşdür.
Görünür ki, AQTA real fakta və görüntüyə əsaslanaraq araşdırma aparmır. Əlbəttə ki, marketdə xarab məhsul aşkaralanandan və mediada işıqlandırıldıqdan sonra sözügedən məhsula marketdə rast gəlməyəcəksiniz. Ümid edirik ki, növbəti dəfə araşdırmanızı düzgün aparacaqsınız.
Əvvəli bu linkdə:
Elşən Yəhyayev
Xəbərdən istifadə edərkən istinad etmək vacibdir.
