Xəbər verdiyimiz kimi, Prezident İlham Əliyev sərəncam imzalayaraq Sumqayıt şəhərinin ictimai-siyasi, sosial-iqtisadi və mədəni həyatında xidmətləri olan bir qrup şəxsi təltif edib. Lakin o şəxslərin bir qismi xüsusilə gənc nəsl tərəfindən tanınmayıb, onların çalışdığı sahə, sahib olduğu peşələri barədə məlumatlar istənilib.
Mövzunun aktuallığını nəzərə alaraq Xeberle.com informasiya portalı tərəfindən kiçik araşdırma aparılıb. Məlum olub ki, təltif olunan şəxslər Sumqayıtda müxtəlif qurumlarda çalışır; onların arasında ictimai xadimlər, müəllimlər, mühəndis, həkim, idmançı, iş adamı və s. var. Beləliklə həmin şəxslərin hazırkı fəaliyyət sferalarını, çalışdığı qurumların adlarını təqdim edirik:
3-cü dərəcəli "Əmək” ordeni ilə
-İsmayılov Ramiz Abuzər oğlu - Qərbi Azərbaycan İcmasının Sumqayıt şəhəri üzrə nümayəndəliyinin sədri;
-İsmiyev Cümşüd Rüstəm oğlu – "Sumqayıt Lift Servis" İdarəsinin rəisi;
-Sadıxov Rauf İzzət oğlu – Sumqayıt Tibb Mərkəzinin Təcili Tibbi Yardım Xəstəxanasının baş həkimi.
"Tərəqqi” medalı ilə
-Ağayev Fuad Gülbala oğlu – Sumqayıt Tibb Mərkəzinin Təcili Tibbi Yardım Xəstəxanasının travmatoloq-ortopedi
-Babayev Eldəniz Mirzə oğlu – Təbiət Elmləri Təmayüllü Gimnaziyanın (TET) direktor müavini;
-Eminov Şirvan Ələkbər oğlu – Mənzil Kommunal Sahəsinin rəisi
-Eyvazov Eyvaz Barat oğlu – Sumqayıt Küçə İşıqları İdarəsinin baş mühəndisi;
-Əfəndiyev Rahib Vaqif oğlu – Texniki və Təbiət Elmləri Liseyinin (TTEL) müəllimi;
-Əhmədova Xavər Məmməd qızı – Sumqayıt şəhər 33 saylı tam orta məktəbin müəllimi;
-Hüseynov Ramiz Ağəli oğlu – YAP Sumqayıt şəhər təşkilatının sədri;
-İmranov Ayaz İmran oğlu – Sumqayıt Musiqi Kollecinin müəllimi;
-Qasımov Əyyar Zəki oğlu – Sumqayıt Regional Mərkəzi "Azərişıq” ASC-nin Şimal Regional Enerji Təchizatı və Satışı İdarəsinin əməkdaşı;
-Quliyeva Sevinc Mövlud qızı - müəllim;
-Müzəffərova Ülviyyə Baba qızı – Sumqayıt şəhər icra başçısının müavini;
Rəcəbli Fərhad İzzət oğlu - veteran cüdoçu, ölkə cüdoçuları arasında qitə miqyaslı yarışların ilk mükafatçısı;
-Saydumov Tofiq Saydum oğlu – Sumqayıt şəhər Nəqliyyat idarəsinin əməkdaşı;
Süleymanov Mübariz Rəfael oğlu – Sumqayıt Yaşıllaşdırma İdarəsinin baş mühəndisi;
-Şahbazov Akif Səfər oğlu – iş adamı, "Məktəbli” dəftərxana ləvazimatları mağazalarının sahibi.
Xeberle.com adından təltif olunan Sumqayıt sakinlərini təbrik edir və onlara gələcək fəaliyyətlərində uğurlar arzulayırıq.
Elşən Yəhyayev
Xəbərdən istifadə edərkən istinad etmək vacibdir.
