Məlum olduğu kimi, bu il Azərbaycanın ikinci sənaye mərkəzi sayılan Sumqayıtın yaradılmasının 75 illiyi tamam olur. Sumqayıtın şəhər statusu almasının 75 illiyi ilə bağlı tədbirlər həyata keçirilir.
Şəhərin əsas küçə və prospektlərinə xüsusi işıqlandırma sistemi quraşdırılıb, parklar, mərkəzi meydanlar və digər ictimai məkanlar yeni dekorativ elementlərlə bəzədilib. Şəhərin müxtəlif yerlərində quraşdırılan işıq effektləri və dekorativ elementlər şəhərə yeni rəng qatır. Bir sözlə, Sumqayıtın yeni işıqlandırılmış mənzərələri sakinlərin və qonaqların diqqətini cəlb edir.
Aparılan yenidənqurma və abadlıq işləri şəhərin görkəmini xeyli dəyişib. Görülmüş işlərlə yanaşı, həllini gözləyən bir sıra problemlər də mövcuddur. Sumqayıtın gələcəyi necə olacaq? Daha konkret desək, şəhər sakinlər yaxın gələcəkdə Sumqayıtı necə görmək istəyir?
Xeberle.com məhz buna görə də şəhər sakinləri arasında online sorğu aparıb. Sorğuda müxtəlif fikirlər səsləndirilib:
1.Parklar çox olsun, həyətlərdə uşaqlar üçün şərait yaradılsın, oyun meydançaları qurulsun;
2.Harda gəldi tikilən bina və obyektlərn tikintisini dayandırsınlar, daha çox parklar yaradılsın, ağaclar və güllər əkilsin;
3.Şəhər özünəməxsus sakitliyini qoruyub-saxlasın;
4.Köhnə-tarixi binalar sökülməsin.
5.Yaşayış məntəqələrinin altında səs-küylü "dominolu” çayxanalar ləğv olunsun.
6. MALL, AVM açılsın.
7.Karusellər çoxalsın.
8."Tarqovu” kimi olsun.
Elşən Yəhyayev
Xəbərdən istifadə edərkən istinad etmək vacibdir.
