Antibiotik - bəzən həyat qurtaran, bəzən isə sağlamlığımıza ciddi zərər vuran dərman.
Dünyada və Azərbaycanda reseptsiz antibiotik istifadəsi artmaqda davam edir. Təəssüf ki, bir çox hallarda insanlar həkimə müraciət etmədən özbaşına antibiotik qəbul edir və bunun ağır nəticələri ilə qarşılaşırlar.
Aprelin 12-də Lənkəranda gənc operatora antibiotik vurulması nəticəsində həyatını itirməsi bu təhlükəni bir daha gündəmə gətirdi.
Terapevt Sübhan Hacıyev deyir ki, xəstədə bakterial infeksiya təsbit olunduqdan sonra həmin infeksiyanın növünə, ağırlıq dərəcəsinə görə antibiotikin dozası, müddəti və növü seçilir. Əks halda, antibiotik xeyirdən çox zərər verə bilər:
"İnsanlara tövsiyəm odur ki, hər hansı qızdırmalı xəstəlikdə dərhal antibiotikə üz tutmasınlar və mütləq şəkildə həkimə müraciət etsinlər".
Toksikoloq Aynur Məmmədova da antibiotikin ev şəraitində istifadəsinin düzgün olmadığını bildirir:
"Anafilaktik şok hər kəsdə ola bilər. Bunun kimdə, nə zaman baş verəcəyini əvvəlcədən bilmək mümkün deyil. Təəssüf ki, həkimlər, əsasən də əczaçılar bu işə məsuliyyətsiz yanaşırlar və öz peşələrinə uyğun olmayan məsləhətlər verirlər".
Daha ətraflı Baku TV-nin süjetində:
Xəbərdən istifadə edərkən istinad etmək vacibdir.
