Azərbaycanda "İstilik təchizatı haqqında" qanunun qüvvəyə minməsi ilə Nazirlər Kabinetinin 5 sentyabr 2023-cü il tarixli qərarı ilə təsdiq edilmiş "İstilik enerjisindən istifadə qaydaları” ləğv ediləcək.
Xeberle.com məlumat verir ki, bunu Energetika Nazirliyinin şöbə müdiri Ələsgər Həsənov Milli Məclisin Təbii ehtiyatlar, energetika və ekologiya komitəsinin bu gün keçirilən iclasında - sözügedən sənədin müzakirəsi zamanı bildirib.
Bundan başqa, o qeyd edib ki, qanunun qəbul edilməsi ilə əlaqədar Nazirlər Kabinetinin qərarları ilə təsdiq olunması nəzərdə tutulan "Çoxmənzilli yaşayış binaları layihələndirilərkən layihələrində hər bir mənzil üzrə fərdi istilik sistemlərinin quraşdırılmasına icazə verilən hallar”, "İstilik təchizatı obyektlərinin mühafizə zonalarının ölçüləri və həmin ərazilərdə təsərrüfat işlərinin aparılmasına dair tələblər”, "İstilik qurğularının quraşdırılması qaydaları”, "istilik qurğularının istismarında təhlükəsizlik texnikası qaydaları”, "İstilik qurğularının texniki istismar qaydaları” hazırlanmalıdır. Bununla yanaşı, Tənzimləyici "Monitorinq qaydaları”, "kommersiya uçotu qaydaları”, "Şəbəkədə istilik enerjisi itkilərinin hesabat dövrü üçün normativ göstəricilərinin müəyyənləşdirilməsi qaydaları”, "İstilik təchizatı sektorunda tənzimlənən qiymətlərin (tariflərin) müəyyən olunması qaydaları”nı təsdiq etməlidir.
Xəbərdən istifadə edərkən istinad etmək vacibdir.
