Sumqayıt Tibb Mərkəzi və "Insun" Yaşam Mərkəzinin birgə təşkilatçılığı ilə tibb və psixologiya sahəsinin mütəxəssisləri üçün "Psixoloji sağlamlığın və qidalanmanın müalicəyə təsiri" mövzusunda müzakirə görüşü keçirilib.
Tədbirin açılışını Sumqayıt Tibb Mərkəzinin direktor müavini, tibb üzrə fəlsəfə doktoru Ramin Qasımov edərək, belə təşəbbüslərin əhəmiyyətindən bəhs edib. Ardınca "Insun" Yaşam Mərkəzinin təsisçisi Nigar Ələsgərova mərkəzin fəaliyyəti və məqsədləri haqqında iştirakçılara məlumat verib.
Görüş zamanı həkim, klinik psixoloq Xədicə Həbibullayeva psixoloji sağlamlığın müalicə prosesinə olan təsirindən danışıb. Daha sonra klinik dietoloq Günay Nəsirova qidalanmanın bədən və ruhi sağlamlıq üzərindəki rolu haqqında fikirlərini bölüşüb.
Görüşün sonunda mütəxəssislər tərəfindən iştirakçıların sualları cavablandırılıb.
Xəbərdən istifadə edərkən istinad etmək vacibdir.
