Azərbaycan Respublikası Gənclər Fondunun maliyyə, Abşeron-Xızı Regional Gənclər və İdman İdarəsinin və Sumqayıt Gənclər Evinin təşkilati dəstəyi ilə 29 may 2025-ci il tarixində Gənclər Evində Sumqayıt Tələbələri İctimai Birliyi tərəfindən Gənclər Fondunun rəqəmsal mövzulu layihələrə dair qrant müsabiqəsi çərçivəsində "Gənclərə öz karyera yollarını seçməkdə kömək edən - çatbotlar" layihəsinin açılış mərasimi keçirilib.
Xeberle.com xəbər verir ki, tədbirdə çıxış edənlər ölkəmizdə uğurla həyata keçirilən dövlət gənclər siyasətindən, Gənclər Fondunun və İctimai Birliyin fəaliyyətindən, layihənin icrası istiqamətində atılacaq addımlardan və gözlənilən nəticələrindən danışıblar.
Bildirildi ki, layihə süni intellekt əsaslı çatbotların və analiz alətlərinin yaradılması, rəqəmsal texnologiyanın və süni intellektin tətbiqinin gənclər üçün əlçatan edilməsi və gələcək karyera seçimində mühüm əhəmiyyət kəsb edəcək.
Xəbərdən istifadə edərkən istinad etmək vacibdir.
