«Bakı Metropoliteni» Qapalı Səhmdar Cəmiyyətinin (QSC) aldığı yeni qatarlar artıq istifadəyə verilib.
Yeni qatarlar «Dərnəgül»-«Həzi Aslanov» və «Həzi Aslanov»-«İçərişəhər» xətti ilə hərəkət edir.
Ümumilikdə Fransanın «Alstom» şirkətindən 5 vaqondan ibarət üç qatarın alınması nəzərdə tutulub.
Yeni qatarlar texniki innovasiyalar baxımından 4-cü nəslə mənsubdur. Onların idarə edilməsi mikroprosessor əsasında həyata keçirilir.
Bu qatarlarda əvvəlkilərdən fərqli olaraq, vaqonlararası birbaşa keçid var.
Bütün vaqonlarda daha mükəmməl havalandırma sistemi quraşdırılıb. Vaqonların salonunda «hərəkətli sətir» sistemi və təhlükəsizliyin təmin edilməsi üçün müşahidə kameraları qoyulub.
Bundan başqa, qatarlar kondisioner sistemləri ilə də təchiz olunub.
Yeni nəsil vaqonların tutumu 330 sərnişin təşkil edir. Köhnə vaqonlarda isə bu rəqəm 308 idi. (analitik.az)
Xəbərdən istifadə edərkən istinad etmək vacibdir.
