"Mənə 2006-cı ildən götürdüyüm kreditlə bağlı məlumat verilməyib”
Bunu Xeberle.com-a müraciətində Zaur Həşimov Azər oğlu bildirib. Vətəndaş iddia edir ki, 2006-cı ildən "Bank of Baku"dan götürdüyü kreditlə bağlı indiyədək ona heç bir rəsmi məlumat verilməyib. Onun gsözlərinə görə, hazırda bank qarşısında 360,90 manat məbləğində borc qalıb, lakin bu vəsaitin faiz borcu olub-olmadığı və ya hansı səbəbdən yığıldığı barədə heç bir açıqlama təqdim olunmayıb.
Şikayətçi qeyd edir ki, bank tərəfindən bu illər ərzində nə yazılı, nə də şifahi şəkildə məlumatlandırılıb və nəticədə borc məbləği yığılıb artıb. Vətəndaş məsələnin hüquqi baxımdan araşdırılmasını və şəffaflıq təmin olunmasını tələb edir.
Məsələ ilə bağlı qarşı tərəfin mövqeyini dərc etməyə hazırıq.
Xəbərdən istifadə edərkən istinad etmək vacibdir.
