2024-cü ilin dekabrında Aktau yaxınlığında baş vermiş Azərbaycanın "Embraer-190" təyyarəsinin qəzaya uğraması ilə bağlı araşdırmanın nəticələri yeni ildən sonra açıqlana bilər.
Xeberle.com məlumat verir ki, bunu Qazaxıstanın baş nazirinin müavini Kanat Bozumbayev "RİA Novosti"yə açıqlamasında deyib.
"İstintaq üçün standart müddət təxminən bir ildir, bəlkə də bir az daha uzundur. İş davam edir", - Bozumbayev qeyd edib.
Bundan əvvəl, avqustun əvvəlində baş nazirin müavini Bozumbayev qəza ilə bağlı yekun hesabatı bir neçə ay ərzində təqdim etməyi planlaşdırdığını açıqlamışdı.
Xatırladaq ki, dekabrın 25-də "Azərbaycan Hava Yolları" aviaşirkətinin Bakı-Qroznı reysini yerinə yetirən "Embraer 190" təyyarəsi Aktau şəhərinin yaxınlığında qəzaya uğrayıb. Avialaynerin göyərtəsində olan 67 nəfərdən 38-i həlak olub, 29-u sağ qalıb.
Xəbərdən istifadə edərkən istinad etmək vacibdir.
