Gördüyünüz bu təsərrüfat obyekti Ervin Albu adlı fermerin rəhbərliyi ilə Almaniyada fəaliyyət göstərir. Fermada yetişdirdiyi və hazırladığı kənd təsərrüfat məhsullarını fermanın qapısında satışa çıxaran fermeri, digər təsərrüfatçılardan fərqləndirən cəhəti budur ki, o malların satışı üçün satıcıdan istifadə etmir. Belə ki, hər gün satacağı məhsulları qiymətləri ilə birlikdə qapının ağzına qoyan Ervin Albu, satış yerinə yalnız satdığı mallar qurtarandan-qurtarana və pulları götürmək lazım olanda gəlir. Satılan malların pulları satış yerinin qapısında düzəldilmiş xüsusi qutuya yığılır. Alıcılar da öz növbələrində sözügedən əraziyə gələrək onlara lazım olan malları götürdükdən sonra pulu qutuya atırlar.
Olduqca ibrətverici və cəmiyyət arasındakı etibarlılıq prinsiplərini özündə əhatə edən bu iş, 20-30 il bundan öncəyə qədər Azərbaycanda da eyni cür idi. Lakin sonradan ölkədə dəyərlərin aşınmaya məruz qalması insanlar arasındakı inamı və etibarı aradan apardı. Təəssüflə də olsa qeyd etməliyik ki, artıq ölkənin heç bir yerində belə bir münasibətlərə rast gəlmək mümkün deyil. (interaztv.com)
Xəbərdən istifadə edərkən istinad etmək vacibdir.
