"Əlil Sahibkarlar Təşkilatı” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə "Əlillərin sahibkarlıq fəaliyyətinə təşviq edilməsi məqsədi ilə təlimlərin keçirilməsi” layihəsi çərçivəsində layihəyə cəlb edilmiş əlillər Sumqayıt şəhərində sahibkarlıq fəaliyyəti ilə məşğul olan əlilliyi olan şəxslərə məxsus müəssisələrdə olublar. Bu da onların praktiki olaraq, təlim-seminarlar zamanı əldə etdikləri biliklərinin real həyatda gördükləriylə daha dərindən mənimsəyib, dərk etmələrində və gələcəkdə qədəm qoymaq istədikləri sahibkarlıq, biznes mühitində özünəinam hisslərinin formalaşmasında əhəmiyyətli rol oynamış olacaq.

Ekskursiya zamanı kiçik və orta sahibkarlıq subyekti kimi nümunəvi işini qura bilmiş əlil sahibkarlara məxsus bir neçə müəssisələrin fəaliyyəti öyrənilib və bunlardan ikisi layihə iştirakçılarında daha xoş və fərqli təəssüratlar yaradıb.

Sumqayıt şəhər, 2 – ci mikrorayon ərazisində yerləşən , Abbas Əliyevə məxsus "ABBAS MARKET” satış ticarət məntəqəsində əlillərimizi təmiz uniformalarda qarşılayan gülər üz satıcıların canıyananlığı və marketin içində höküm sürən səliqə - səhman ilk andan satıcı mədəniyyətinin varlığından, peşəkarlıq səviyyəsindən xəbər verirdi. Marketin işçi personalı alıcılara nümunəvi xidmətin göstərilməsi və alıcı məmnunluğunun qazanılması kimi əhəmiyyətli peşəkar vərdişlərinin sirlərindən söz açmış. Kassa aparatlarında əqdlərin qeydiyyatı prosesini əyani nümayiş etdirmiş, satış üçün daxil olmuş malların qəbulu, anbarlaşdırılması, satış rəflərində düzgün yerləşdirilməsi və düzülüşü, keyfiyyətli müştəri xidmətlərinin təşkili, mühasibat – uçot sənədlərinin düzgün tərtibi və s. zəruri olan əməliyyatları əyani nümayiş etdirmiş. Marketin sahibi Abbasov İlyas sahibkarlıq fəaliyyətinə başladığı ilk anlarda qarşılaşdığı çətinliklər və onların həlli yolları barədə keçdiyi təcrübi bilgiləri bölüşməklə yanaşı, uğurlu biznesinin təşkili üçün işini yeni qurmaqda qərarlı olan iş adamların xüsusi diqqət yetirməli olduqları sahə və əməliyyatlar barəsində ətraflı məlumat vermiş və layihə iştirakçılarımızı maraqlandıran bəzi sualları cavablandırmışdır.”ABBAS MARKET” – də keçirdiyimiz səmərəli anlardan məmnun layihə iştirakçıları daha sonra , marketin yüksək peşəkarlıq xidmətlərindən yararlanaraq növbəti məntəqəyə yollanmışlar.

Ekskursiyada iştirakçılarının ziyarət etdiyi növbəti məkan, Sumqayıt şəhəri, Səməd Vurğun küçəsində yerləşən, Qarabağ müharibə veteranı, 2-ci qrup əlil Mübariz Hacı oğlu Əliyevə məxsus "TURAN” restoranı oldu. Restoranın ərazisi müştərilərin vaxtlarını səmərəli keçirmələri üçün zövqlə süslənmiş, ərazidə olan bitki və dekorativ ağaclara qulluq olunmasiyla yanaşı, müxtəlif dekorativ bəzək bitkiləriylə bolluca bəzədilmişdi. Müştərilərin mədəni istirahəti və sağlam qidalanmaları üçün təqdim olunan menyuda təklif olunan bişmiş və xörək növləri hər zövqü oxşaya biləcək çeşidlərin rəngarəngliyi ilə seçilirdi. Xidməti heyətin müştərilərlə xoş rəftarı və yüksək standartlardan xəbər verən xidmət səviyyəsi , səliqə səhmanı ilk andan diqqəti cəlb edirdi. Qonaqların sayından və istəyindən asılı olaraq müxtəlif ölçülü zal və hücrələrdə yaradılan şərait və hormoniya sahibkarın öz işinə bağlılığını büruzə verirdi. Xidmət heyəti ilə yanaşı, restoranın sahibi, Mübariz Quliyevlə iaşə xidməti sahəsində öz biznesini qurmaq istəyən insanların qarşılaşa biləcəyi çətinliklər və özünəməxsus özəllikləri barədə geniş söhbət etdik. Daha sonra, əməli saleh və iman əhli olan Hacı Mübariz əlillərimizi iftar süfrəsinə dəvət etdi.

Bu günki tədbirin təşkilində və icrası boyunca layihə iştirakçılarını müşayiət edən və dəyərli məsləhətləriylə onların daha dərindən maariflənmələrinə şərait yarada Azər Babayevin səmimiyyəti, canıyananlığı və isti münasibəti onun yüksək şəxsi insani keyfiyyətlərindən və təmsil etdiyi Vergilər Nazirliyində, möhtərəm prezidentimiz, cənab İlham Əliyevin Əlilliyi Olan İnsanlarımıza bəslədiyi isti münasibətin və daxili dövlət siyasətinin davamı olan abu havanın höküm sürdüyündən xəbər verirdi.

Eynilə tədbirə Avropa oyunlarına dəstək kaolisiyasının Mətbuat Xidmətinin rəhbəri, Beynəlxalq Münasibətlərin Araşdırılması Mərkəzinin sədrinin müavini, Milli Qəhrəman Mübariz İbrahimov adına Gənc Nəqliyyatçılar klubunun sədri Fuad Rəsul, "Əlil Qadınlar Cəmiyyətinin” Sumqayıt Regional şöbəsinin sədri Səbinə Kərimova və KİV nümayəndələri də qatılmışlar.

"ƏST” İB Mətbuat Xidməti