Rövşən Almuradlı, rejissor: "Təbrik edirəm! Yolunuz işıqlı,nurlu olsun! Yol ayaqla gedəndə yol deyil, ürəklə gedəndə yoldur!!! Yolun başlanğıcı var, sonu bilinməz olsun!!! Hər il geri dönüb baxanda millətin qarğışından uzaq olasınız, alqışı əskik olmasın!!! Yalan dilinizə gəlsə,yaman kök atar..! Xəbərləriniz şirin yalan, yamandan uzaq .., aci həqiqətin qoynunda olsun! Bizlərsə sizə - alqış deyək!!! Amin!!!"









Vasif İsmayıl, nefroloq: "Sumqayıt vətənimizin ən gənc, amma eyni zamanda ən fəal şəhərlərindən biridir. Çoxumuz artıq şəhər və ölkə miqyasından kənara adlasaq da, gözümüz həmişə öz doğma yerimizin, Sumqayıtımızın üstündədir.
Sumqayıtımızın aktual məsələrini işıqlandıran Xeberle.com saytının 3 yaşının tamam olması münasibətilə təbrik edirəm. Arzu edirəm ki, gənc olsa da, şəhərimiz kimi fəal olsun."

Anar Xanlarov, Rekord.az saytının redaktoru: "Sumqayıtımızın ən aparıcı və ən reytinqli xəbər portalı olan, elə hardasa özümə də doğma, yaxın saydığım Xeberle.com saytının 3 yaşının tamam olması münasibəti ilə başda Ramil Zeynallı, Elnur Ağayev və Kamal Almuradlı olmaqla bu gözəl kollektivi ürəkdən təbrik edir, onlara bundan da böyük uğurlar, bundan da böyük nailyyətlər arzulayıram. İNŞALLAH gün o gün olsun 30 illiyinizi qeyd edəsiniz. Bir daha TƏBRİKLƏR!"

Məftun Ənvəroğlu, "Yeganə yol" qəzetinin əməkdaşı: "Portalın həmtəsisçilərini və əməkdaşlarını səmimi qəlbdən təbrik edirəm!!!

Xəbərin dəqiq ünvanı olan xeberle.com-un cəfakeş əməkdaşlarına cansağlığı, sonsuz uğurlar arzulayıram! Hesab edirəm ki, bu 3 il ərzində portal nəinki Sumqayıtda, bütün ölkə miqyasında və onun hüdudlarında tanınan, ziyarət edilən, vətəndaş cəmiyyətinin əsl dostuna çevrilən xəbər saytlarından birinə çevrilmişdir!"









Şəfəq Ağacan, Bakupress.az saytının baş redaktoru: "Bu gün Xeberle.com saytının 3 yaşı tamam olur. Bu 3 ildə ayaq üstə durmağı, sözünü, istəyini ifadə etməyi bacaran dostlarımı təbrik edirəm.
Bu sayt 3 ildə hər zaman yeni, aktual və sizi maraqlandıran mövzularda xəbərlər yayımlayan bir sayt kimi oxucularının rəğbətini qazandı. Sosial yazılar, ən son xəbərlər, tanınmış insanlarla müsahibələr hər zaman maraqlı yazıları ilə seçilən bir saytdir Xeberle.com. Məlumatlandırmaq, hər zaman yeniliklərdən xəbərdar etməkdən yorulmurlar bu saytın əməkdaşları və daim axtarışdadırlar!
Xeberle.com 3 ildə oxucuların rəğbətini qazanıb. Bu həm bizim, həmdə sizin uğurunuzdur. Və uğurlarınızın davamı olması diləyi ilə bir daha AD GÜNÜNÜZ MÜBARƏK!!! BakuPress. az saytinın əməkdaşları və mən başda olmaqla sizi təbrik edirik! Sumqayıt və sumqayıtlılar sizinlə fəxr edir!"

Namiq Qaffarov, Sumqayıt Şəhər Mədəniyyət və Turizm İdarəsinin rəisi: "Xeberle com-un kollektivinə!
Bu gün 3 yaşınız tamam olur. Yarandığınız gündən doğma Sumqayıtımızın uğurlarını, problemlərini tərəfsiz, operativ xəbərlərlə oxuculara çatdırmağa çalışdınız. Az müddətdə geniş oxucu auditoriyası qazanmağınız fəaliyyətinizin bəhrəsidir. Sizləri əlamətdar gün münasibətilə ürəkdən təbrik edir, yeni uğurlar arzulayıram. Səhifənizdən hər zaman xoş xəbərlər oxumaq arzusuyla..."

İntiqam Valehoğlu, Ölkə.az saytının baş redaktoru: "Bu gün Kamal Almuradlı, Elnur Ağayev və Ramil Zeynallı triosunun yaratdığı Xeberle.com saytının üç yaşı tamam olur. Çoxları bilməsə də, mən bilirəm ki, üç il ərzində dostlar hansı fədakarlıqlar bahasına bu saytın mövcudluğunu qoruya biliblər. İnşallah daha böyük uğurlara, DOSTLAR!"

Mətanət Məhərrəmova, Qızıl Aypara Cəmiyyətinin Sumqayıt Şəhər Təşkilatının sədri: "Bu gün Xeberle.com saytının 3 yaşı tamam olur. Yarandığı gündən bizim ücün doğma olan bu sayt daim öz operativliyi, qərəzsizliyi ilə secilmiş, oxucularının rəğbətini qazanmışdı. Humanitar təşkilat olan cəmiyyətimizin xeyriyyə tədbirlərini anında səhifələrində dərc etmiş, digər insanlara cəmiyyətin gördüyü işləri təqdim edərək, bu sahədə xeyriyyəçiliklərini göstərmişdilər. Mən bu saytın bütün əməkdaşlarını 3 yaşları münasibəti ilə səmimi qəlbdən təbrik edir, onlara möhkəm can saglıgı və şərəfli işlərində uğurlar arzulayıram! Gün olsun 10, 20... və daha artıq yubileylərinizlə sizləri təbrik edək! Yolunuz açıq və nurlu olsun!"

Raminə Eyvazqızı, "Qafqazinfo"nun əməkdaşı: "İyunun 28 -də tək Avropa oyunlarının bağlanış günü deyil. Dah bir əlamətdar hadisə də Sumqayıtın Xeberle.com saytının 3 yaşının tamam olmasıdır. Xeberle.com kollektivini, həmkarlarımızı təbrik edirəm! Xeberle.com bu qısa muddətdə paytaxt mediasının da həmişə görən gözü olub. Ölkənin ikinci böyük şəhəri olan Sumqayıtda baş verənləri Xeberle.com səhifələrində görmüşük. Şəhərin həyatına, insanın probleminə operativ işıq tutan saytın xəbərlərini digər jurnalistlərimiz paylaşıb, yayıb. Sayt Sumqayıtda gizli qalmış qəhrəmanları, vicdanlını və vicdansızı bizlə tanış edib. Təşəkkürlər və uğurlar! Sumqayıtın nəbzi həmişə Xeberle.com-la vursun!!!"

Bəyaz Novruzova, Sumqayıt şəhər 34 saylı orta məktəbin direktoru: "Düşünürəm ki, 3 il sayt üçün heç də az müddət deyil. Bu 3 ildə bütün yazdıqlarınızla günbəgün tanış olaraq şəhərimizin həyatını izləmişik. Təbrik edirəm və hər birinizə can sağlığı və bol uğurlar arzulayıram!"

İsmayıl Kərimov, pedaqoq: "Çox kiçik ölkələrdə medianın iqtisadi baxımdan təminatı çox zəif olur. Belə ölkələrdə media orqanı işlətmək kifayət qədər böyük fədakarlıq tələb edir. Xeberle.com-da 3 il bundan əvvəl belə çətinliklərlə quruldu və regionlarda yerli xəbər saytlarının olması doğrudan da ən vacib məsələlərdən biridir ki, buna da Xeberle.com öz töhfəsini vermişdir. Arzum budur ki, illər keçdikcə bu töhfə daha da çox olsun."

"Qadın Təşəbbüsü və Sosial Problemlərin Həllinə Yardım” İctimai birliyinin sədri Zenfira Mustafayeva: "Xeberle.com saytı bizim uğurlarımızı daim işıqlandıran, dürüst, şəffaf məlumatlar yayan, doğma şəhərimizi bizə daha çox sevdirən eybəcərlikləri tənqid atəşinə tutan saytdır. Ad gününüz mübarək!"

Sərraf Kərimov, Dünya Azərbaycanlıları Konqresinin (DAK) Tatarıstan Respublikası üzrə nümayəndəliyinin sədri: "Xeberle.com saytının 3 yaşı münasibəti ilə sizləri təbrik edirəm, sizə və saytınıza uğurlar arzulayıram! Arzu edirəm ki, Xeberle.com sağlam, düzgün və obyektiv xəbərləri ilə oxucularının daim rəğbətini qazansın. Sizə can sağlığı, ailə xoşbəxtliyi və uğurlar arzulayıram!"

Elçin Abdullayev, siyasi analitik: "Bu gün Xeberle.com portalının 3 yaşı tamam olur. Üç il bundan öncə sözügedən sayt yaradılanda bəlkə də heç kimin ağlına belə gəlmirdi ki, Xeberle.com 3 il sonra şəhərimizin 1 nömrəli portalına çevrilməklə yanaşı, Sumqayıt və sumqayıtlıların ümid yeri olacaq. Bəli, həqiqətən də bu gün Xeberle.com portalı haqqı, hüququ pozulmuş sumqayıtlılar üçün ümid çırağına çevrilib. Təbii ki, belə bir zirvəni fəth etmək heç də asan başa gəlməyib. Bunun üçün Elnur Ağayev, Kamal Almuradlı və Ramil Zeynallının çox böyük əziyyəti və zəhmətləri olmuşdur. Kimlərsə bilməsə də mən bilirəm ki, məhz bu üçlük tutduqları kursa görə zaman-zaman müəyyən təzyiq və təhdidlərə məruz qalmışlar. Lakin ideya və amallarından bir addım da olsun belə geri çəkilmədilər. Çünki, bu üçlüyün inandığı amal haqqa söykənərək, Sumqayıt və sumqayıtlılara dəstək olmaqdan ibarət idi. Şükürlər olsun ki, buna kifayət qədər nail ola biliblər. Artıq, Xeberle.com haqqında məlumatlı olan hər bir sumqayıtlı sözügedən sayta böyük ümidlə baxırlar. Ona görə də əminliklə, çəkinmədən deyə bilərəm ki, bu üç gənc, yaratdıqları Xeberle.com portalını Sumqayıtın 1 nömrəsi etməklə bərabər, həm də yeni bir tarix yazdılar. Və bu tarixin adı "Sumqayıtı sevin" deməkdir. İnanıram ki, Elnur, Kamal və Ramil üçlüyü bundan sonra da daha böyük nailiyyətlərə imza atacaqlar. Biz dostları isə onların uğurlarına sevinəcəyik. Eşq olsun sizlərə əziz qardaşlarım. Uğurlarınız axarlı olsun! Bir daha hər üçünüzü ürəkdən təbrik edirəm! TƏBRİKLƏR!!!"