Ötən axşam Azərbaycanda keçirilən "Bakı-2015” birinci Avropa Oyunlarının təntənəli bağlanış mərasimi keçirilib. Təntənəli mərasimi birbaşa efirlə bütün dünyada 800 milyona yaxın tamaşaçı izləyib.
Mərasimdə ənənəvi və müasir Azərbaycan mədəniyyətinin birliyi tamaşaçıların diqqətinə çatdırıldı. Tədbirin transformasiya hissəsində üç nəhəng heykəl səhnədə müşahidə olunmağa başlandı. Bu səhnəciyin sonunda Qız qalasının divarları aralandı və onun içərisində Alov qüllələri peyda oldu. Bununla da tamaşaçılar keçmişin müasir dövrü necə formalaşdırdığının və gələcəyə hansı təsirdə təsir göstərdiyinin şahidi oldular.
Mərasimdə çıxış edən "Bakı-2015” birinci Avropa Oyunlarının möhtəşəm bağlanış mərasimində Azərbaycanın birinci xanımı, "Bakı-2015” ilk Avropa Oyunları Təşkilat Komitəsinin sədri Mehriban Əliyeva ölkə prezidentinə, tədbirin təşkilatçılarına, atletlərə könüllülərə və ümumilikdə Azərbaycan xalqına öz dərin təşəkkürünü bildirib.
Bakı 2015 Avropa Oyunlarının Bağlanış Mərasimi şousuna Ceyms Hadley rəhbərik edib. Şou Azərbaycanın müxtəlif rənglər, insanlar, ənənələr və təsirlərlə zəngin palitrasını özündə əks etdirib. Bu möhtəşəm tədbiri təqdim etmək üçün 10000 pirotexniki vasitədən istifadə edilib.
Bakı Olimpiya Stadionuna toplaşan 68000-dən çox insan və 800 milyon canlı yayım izləyicisi Azərbaycanın rəqsinə, şair Əhməd Cavad və Üzeyir Hacıbəyovun musiqisinə və səhnəni əhatə edən dünyada tanınan Qız Qalası və Alov Qüllələri memarlığını özündə əks etdirən şoudan zövq alıblar.
Tədbirdə DJ Garet Emeri, Con Nyuman və "Clean Bandit"in beynəlxalq musiqi ifaları səslənib.
Avropa Oyunları alovunu nümayiş etdirərək qalxan böyük bir çilçırağa bağlanan 280 fənər Azərbaycan xalqının ürəyində silinməz iz qoyacaq. (anspress.com)
Xəbərdən istifadə edərkən istinad etmək vacibdir.
