Maraqlısı odur ki, A.Məmmədov mia.az saytında, eləcə də, digər portallarda lehinə olan xəbərləri facebookdakı səhifəsində paylaşıb. Bununla bağlı deputat oğlunun statusuna rəy bildirən Müstəqil İnformasiya Agentliyinin (mia.az) redaktoru Zaur Əhmədin mövqeyi onu narahat edib. 

Belə ki, A.Məmmədov Zaur Əhmədin profilini blok edib. Bu barədə məlumat verən redaktor bildirib ki, Aynar Məmmədovun mia.az-dan elədiyi paylaşımı diqqətini çəkdiyindən rəy bildirib, sonra isə status yazıb: "Statusumda bildirdim ki, Aynar Məmmədov mia.az-da ozu ilə bağlı yazını səifəsində paylaşıb. Diqqət elədim, ancaq onu dəstəkləyən yaziları paylaşıb, əleyhinə olanlara isə göz yumur. Amma yarım saatdan sonra nəzər yetirəndə gördüm ki, deputat oğlu məni bloka salıb. Bunu isə qəribə qarşıladım, yəqin ki, əks fikirə dözümsüzlük edib".