Sumqayıt şəhər İcra Hakmiyyətinin başçısı Eldar Əzizov Azərbaycanda Milli Mətbuatın yaranmasının 140 illiyi münasibətilə bir qrup sumqayıtlı jurnalistlə görüş keçirib

Sumqayıtın Tarixi Muzeyində keçirilən və  30-dan cox jurnalistinin qatıldığı görüşdə Azərbaycan Jurnalistlər Birliyinin Sumqayıt şəhər Təşkilatının sədri Rafiq Oday, "Xalq" qəzetinin bölgə müxbiri Əli Nəcəfxanlı, "Azərbaycan" qəzetinin bölgə müxbiri Akif Əliyev, "Respublika" qəzetinin bölgə müxbiri Söhrab Səfiyev, Sumqayıt şəhər Bələdiyyəsinin mətbuat katibi Rəhman Orxan, Xeberle.com xəbər saytının həmtəsisçisi və baş redaktoru Elnur Ağayev, Sumqayıt TV-nin (sumqayit.tv) baş redaktoru Ramil Zeynallı, "Sumqayıt” qəzetinin baş redaktoru Qüdrət Məlikov, "Azərtac”ın müxbiri Ətrabə Rzayeva, "Exo Sumqaitain” qəzetinin baş redaktoru Eyruz Məmmədov, "168 saat” qəzetinin baş redaktoru Vüsal Məmmədov, "Sumqayitxeber.com” xəbər saytının təsisçisi və baş redaktoru Eyvaz Qocayev, ”Məslək” qəzetinin baş redaktoru Ucal İldırım, "Dünya” TV-nin prezidenti Ramiz Hüseynov, "Günəşli sabah” qəzetinin baş redaktoru Aygün Hacıyeva, "İdeal market” qəzetinin baş redaktoru İlhamə Məhəmmədqızı, "Yeganə yol” qəzetinin baş redaktoru Firdovsi Cəfərxan,  "Möhtəşəm Azərbaycan" qəzetinin redaktoru Nisə Qədirli, "Bahar" jurnalının baş redaktoru Ruhiyyə Bahar, "Sumqayıt" jurnalının baş redaktoru Elcan Oruclu və digər jurnalistlər iştirak ediblər.
Sumqayıt şəhər İcra Hakimiyyətinin Başçısı Eldar Əzizov Azərbaycanda Milli mətbuatın yaranma tarixindən və keçdiyi inkişaf yolundan söhbət açıb. E. Əzizov qeyd edib ki, Azərbaycanda Milli Mətbuatın təşəkkülü çətin dövrü əhatə edib və belə bir dövrdə milli mətbuatın banisi Həsən bəy Zərdabi intellektual qəhrəmanlıq nümayiş etdirib. Eyni zamanda, şəhər rəhbəri Sumqayıtda mövcud mətbuat ənənələrindən və medianını durumuna toxundu. İcra başçısı onu da qeyd etdi ki, əslində Azərbaycanda jurnalistikanını yaranması daha əvvəlki dövrlərə gedib çıxır: "Azərbaycanın tarixiliyini və qədimliyini əks etdirən bir sıra abidələr var ki, bu abidələrin üzərində yazılara rast gəlmək olur. İnsanlar ilk olaraq baş verən hadisələri qayalara həkk etməklə ətrafdakılarla bölüşürdülər. Bu da təxminən Mezeolit dövrünə təsadüf edir. Azərbaycanda jurnalistika hansısa mənada Mezolit dövründən yaranmağa başlayıb. "
E. Əzizov, həmçinin ölkədə azad medianın inkişafı istiqamətində aparılan tədbirlərdən və mətbuata dövlət səviyyəsində göstərilən qayğı və diqqətdən danışdı. İcra başçısı nitqinin sonunda jurnalistləri peşə bayramları münasibətilə təbrik edərək onlara gələcək fəaliyyətlərində uğurlar arzuladı.
Görüşdə çıxış edən Azərbaycan Jurnalistlər Birliyinin Sumqayıt şəhər Təşkilatının sədri Rafiq Oday Sumqayıtda jurnalistikanın mövcud vəziyyətindən söz açdı və diqqətə görə icra başçısını öz təşəkkürünü bildirdi.
Digər çıxışçılar da jurmalistika sahəsində əldə edilən uğurlardan və gələcəkdə həyata keçirilməsi zəruri tədbirlərdən söz açdılar.

Sonda Sumqayıt şəhər İcra Hakimiyyəti adından "22 iyul Milli Mətbuat günü" münasibəti ilə jurnalistlərə hədiyyələr təqdim olundu.


Xeberle.com