Dünən gecə Sumqayıt şəhərinin 9-cu mikrorayon ərazisində xüsusi təyinatlılar vəhhabilərə qarşı əməliyyat həyata keçirib. Bunu publika.az özəl mənbələrdən əladə etdiyi məlumat əsasında yazır.

Məlumata görə, radikal vəhhabilər mikrorayon ərazisində yerləşən “Şərq bazarı” yaxınlığında bir evə toplaşırmışlar.

Onların məscidlərə getmədiyi, çayxanalarda, ictimai yerlərdə təbliğat apardıqları deyilir. Əsas ehtimal bu qruplaşmanın Suriyaya gedənlərlə əlaqəsinin olmasıdır. Məlumata görə, əməliyyat nəticəsində qruplaşma zərərsizləşdirilib.

MTN-nin mətbuat xidmətinin rəhbəri Arif Babayev Publika.Az-a açıqlamasında bildirib ki, onlarda belə məlumat yoxdur.

“MTN belə bir əməliyyat keçirməyib” - deyə nazirliyin sözçüsü xəbəri təkzib edib.