Sumqayıt şəhər "Yaşıldərə” adlanan qəsəbədə yerləşən Qubadlı-Xıdırlı məktəbinin ətrafında yaşan sakinlər içməli suyun verilməməsindən şikayətçidirlər.

Sakinlər  Xeberle.com-a bunları bildiriblər:

"Düz 1 aydır ki, bizə içməli suyun ödənişi üçün smart kart təqdim olunub.

Biz həmin smart kartlara suyun ödənişini yükləmişik, lakin sular gəlmir. Halbuki smart kartlar verilməmişdən əvvəl suyun verilişində heç bir məhdudiyyət yox idi. Sumqayıt şəhər Su İdarəsi ilə əlaqə saxlasaq da cavab verən olmadı”.

Qeyd edək ki, şikayətçi-sakinlər arasında birlik.az saytının baş redaktoru Vüsal Hətəmov da var.

Məsələni diqqətdə saxlayacağıq.