12-25 avqust 2015-ci il tarixində Almaniya hökumətinin təşkilatçılığı ilə 27-ci Herrsching Beynəlxalq Gənclər Seminarı keçiriləcək. "Sumqayıt Gənclərinin Hüquqi Maarifləndirilməsi” İctimai Birliyinin prezidenti Elçin Məmməd də bu beynəlxalq tədbirə dəvət edilib. Bu barədə Xeberle.com-a hüquq müdafiəçisinin rəhbərlik etdiyi QHT-dən məlumat verilib. Məlumatda qeyd edilir ki, Beynəlxalq Gənclər seminarında gənclər ilə bağlı məsələlər müzakirə olunacaq və bütün dünya üzrə olan iştirakçılarla birgə işləmək imkanı yaradılacaq. Həmçinin, seminar gənclərə təşkilatlarda işləmək, qrup dinamikası və liderlik bacarıqlarının inkişafına yardım edəcək.
"Dünyanın başqa ölkələrindən olan iştirakçılarla fikir və təcrübələri bölüşmək və inkişaf etdirəməklə bu ideyların gələcəkdə tətbiqi ilə iştirakçılara işlərində kömək olacaq. Seminarda demək olar ki, dünyanın bütün ölkələrindən iştirakçılar olacaq və onlarla birgə işləmək imkanı yaranacaqdır. Əldə olunan bacarıqlar təşkilatın gələcək fəaliyyətində tətbiq ediləcək.” – deyə məlumatda bildirilir. Məlumatda o da qeyd edilir ki, Elçin Məmməd uzun müddətdir ki, gənclər sektorunda çalışır və bu seminarın rəhbərlik etdiyi təşkilatın gələcək inkişafında xüsusi rolu olacaqdır.