Türkiyənin Şanlıurfa şəhərində baş verən partlayış nəticəsində ölü sayı artıb."Reuters" əvvəll ölü sayının 20 olduğunu açıqlayıb. Lakin bir neçə dəqiqə sonra ölənlərin sayının 25 olduğu qeyd edilib. 
Onlarla insan yaralıdır. Ölü sayının artacağı istisna edilmir. Hadisə yerində təcili tibbi yardım briqadaları işləyirlər. 
Şanlıurfa Valisi İzzettin Küçük partlayış baş verən zaman İstanbulda olub. Lakin hadisədən dərhal sonra geri dönmək üçün yola çıxıb. 

Saat 15:12
Türkiyədə terror aktı törədilib. ANS PRESS-in Türkiyə mətbuatına istinadla verdiyi məlumata görə, hadisə bu gün günorta saatlarında Şanlıurfanın Suruç rayonunda, Amara mədəniyyət mərkəzinin qarşısında törədilib. 
İlkin məlumata görə, hadisə nəticəsində 10 nəfər ölüb, onlarla insan yaralanıb. 
Partlayışı kamikadzenin törətdiyi barədə məlumatlar yayılıb. Onun İŞİD terror qruplaşmasının üzvü ola biləcəyi də istisna edilmir. 
Məlumata görə, Türkiyə vaxtı ilə saat 11:50-də (Bakı vaxtı ilə 13:50) Sosialist Gənclik Dərnəkləri Federasiyasının bir qrup üzvü adı çəkilən yerdəki çay bağçasında "Kobanininyenidən inşaası" mövzusunda mətbuat konfransı keçirən zaman hadisə törədilib. 
Türkiyənin müxtəlif yerlərindən gələn və əksəriyyəti gənclərdən ibarət olan qrup İŞİD-ın dağıtdığı Suriyanın sərhəddə yaxın yerləşən Kobani şəhərinə keçmək istəyirdi. Onların məqsədi terrordan əziyyət çəkən, ev eşiklərini, yaxınlarını itirən ailələrə yardım, uşaqlara oyuncaq aparmaq idi. 
Partlayışın təsirindən yaxınlıqdakı binaların pəncərələri də qırılıb. 
CHP Ankara Millət vəkili Ali Haydar Hakverdi hadisə zamanı yaralananlar üçun qana ehtiyac olduğunu elan edib. 
Hadisə şahidlərinin sözlərinə görə, ölü sayı elan ediləndən daha çoxdur. Belə ki, partlayış bir anda baş verib. Daha sonra hər yer cəsədlə dolub. "Hətta biz cəsədlərin altında qalmışdıq. Bu daha öncədən planlaşdırlan hücuma bənzəyir".



Partlayışdan bir neçə dəqiqə öncə 


Hadisədən sonra 

Ölü sayının artacağı istisna edilmir


Hadisə yerindən ilk fotolar
Qeyd edək ki, bənzər hadisə bir neçə ay öncə də baş vermişdi. ABŞ-ın Türkiyə səfirliyindəkamikadzenin özünü partlatması nəticəsində 3 nəfər ölmüşdü.  (anspress.com)