"May ayında 11 nəfər, iyun ayında 14 nəfər, iyul
ayında 17 nəfər, avqustda isə bu günə qədər 4 nəfər ilan sancmalarla
bağlı bizə müraciət edib”. Bu sözləri Modern.az-a açıqlamasında 1
saylı Klinik Xəstəxanasının Toksokologiya şöbəsinin baş həkimi Azər
Maqsudov deyib. O qeyd edib ki, bunlar əsasən Bakı ətrafı kəndlər və
ayrı-ayrı bölgələrdən daxil olan müraciətlərdir:
"Zirə,
Maştağa, Xəzər rayonu, əsasən daş karxanası olan yerlər - Güzdək,
Qaradağ, Qobustandan ilan sancmalarla bağlı çoxlu müraciət daxil olur.
Şirvan, Şamaxı, İsmayıllı, Qəbələ, Şəmkir, Bərdə, Yevlax, Tovuz, Qazax
rayonlarından və cənub bölgəsindən bizə ilan sancmalarla bağlı
müraciətlər olub. Daha çox gürzə ilanının sancmalarını biz müşahidə
edirik”.
Azər Maqsudov qeyd edib ki, istilərlə əlaqədar ilan sancmalar çoxalıb:
"Keçən il aprel ayındna müraciətlər başlamışdı. Bu il havalar sərin
keçdiyi üçün may ayının 15-dən sonra birinci müraciət oldu. Avqust ayı
qabaqdadır, havalar da isti keçir, ona görə də müraciətləri gözləyirik.
Zərdab da təşkil olunub, rayon mərkəzi xəstəxanalarına çatdırılır və heç
bir problem yoxdur”.
Xəbərdən istifadə edərkən istinad etmək vacibdir.