Sumqayıt İcra hakimiyyəti yanında Fövqəladə hallar komissiyasının yığıncağı keçirilib

Sumqayıt şəhərinin sahiboyu çimərliklərində insan tələfatının artması ilə bağlı Sumqayıt şəhər İcra hakimiyyətinin təşəbbüsü ilə şəhər İcra hakimiyyəti yanında Fövqəladə hallar komissiyasının yığıncağı keçirilib. Xeberle.com-un məlumatına görə, tədbirdə komissiyanın sədri, şəhər İcra hakimiyyəti başçısının müavini Sahib Quliyev, komissiyanın üzvləri Suda xilasetmə xidmətinin rəis müavini, polkovnik Elxan Cəbiyev, FHN-nin işlər üzrə müdiri Elsəfər Həsənov, digər müvafiq qurumların nümayəndələri, sahilboyu çimərliyi olan istirahət mərkəzlərinin rəhbərləri iştirak ediblər. Tədbirdə qeyd olunub ki, Sumqayıt çimərliklərində təhlükəsizlik sahəsi ilə bağlı bütün zəruri tədbirlər görülməli, xilasetmə işlərinin təşkili ilə yanaşı, əhalinin maarifləndirilməsi işi düzgün təşkil olunmalı, həmçinin mərkəz rəhbərləri bu işdə bilavasitə daha da aktiv fəaliyyət göstərməlidirlər. Komissiya üzvlərinin çıxışlarından sonra mövzu ətrafında geniş müzakirələr aparılıb.

Xeberle.com