Sumqayıt şəhər Gənclər Evində tanınmış psixoloq və təlimçi Murad İsayev tərəfindən "Uğurlu gəncin strategiyaları” adlı təlim keçirilib. Xeberle.com-a verilən məlumata görə, təlimdə 100-dən artıq gənc iştirak edib. Təlimdə müasir dovrün tələblərinə uyğun istiqamətin seçilməsi, xarakterin və potensialın ortaya çıxarılması yolları, hər zaman yüksək motivasiyalı olmaq üçün lazım olan psixoloji metodikalar, çətinlikləri öz xeyrinə istifadə etmə qaydaları, düzgün hədəf və strategiya qurma metodları, özünü və psixologiyasını tanımağın yolları müzakirə edilib, psixoloq tərəfindən dəyərli məlumatlar verilib.
Qeyd edək ki, Sumqayıt şəhər Gənclər Evi gənclər üçün mütəmadi keçiriləcək fərdi inkişaf, karyera və peşəyönümlü təlimlərə başlayıb. Təlimlər Gənclər və İdman Baş İdarəsinin dəstəyi ilə "London Language and Business School" tərəfindən hər ay keçiriləcək. Bu təlimlər tam ödənişsizdir və tanınmış təlimçilər tərəfindən veriləcək.
 
Bununla yanaşı olaraq, sentyabr ayından başlayaraq Gənclər Evində pulsuz psixoloq konsultasiyaları, karyera planlaması məsləhətləri veriləcək. Həmçinin gənclər burada ödənişli əsaslarla ingilis dili, rus dili, mühasibatlıq, komputer proqramları, dizayn, qrafika və videomontaj dərsləri keçə bilərlər.
Gənclər Evinin əlaqə nömrələri: 018 652 13 11, 070 652 13 11