AFFA İntizam Komitəsinin bu gün keçirilən iclasında Premyer Liqanın III turunun oyunları ilə bağlı qərarlar qəbul olunub.
Xeberle.com xəbər verir ki, "Qəbələ”nin futbolçusu Nikolas Raysel "Keşlə" ilə qolsuz heç-heçə etdikləri matçda qeyri-idman hərəkətinə görə ikinci sarı vərəqə ilə meydandan kənarlaşdırıldığı üçün 1 oyunluq cəzalanıb, klub 200 manat məbləğində cərimə olunub. Paytaxt təmsilçisinin 4 oyunçusu sarı vərəqə alıb və klubu 800 manat ziyana salıb.
"Sumqayıt" klubuna 400 manat cərimə kəsilib. Buna səbəb "Səbail"i 2:1 hesabı ilə məğlub etdikləri matçdan öncə yanğınsöndürən nümayəndəsinin təyin olunan vaxtda iclasa qatılmamasıdır. Hər iki komandanın 4 futbolçusu sarı vərəqə aldığı üçün klublar 800 manat ödəməli olacaq.
"Sabah"ın 4 üzvü "Zirə"yə səfərdə 2:0 hesabı ilə qalib gəldikləri görüşdə sarı vərəqə ilə cəzalandırılıb və klub 800 manat cərimə olunub.
Xəbərdən istifadə edərkən istinad etmək vacibdir.
