Rusiyanın Xalq artisti Yuliya Rutberq Bakıda mağaza satıcısı tərəfindən aldadılıb.
Xeberle.com xəbər verir ki, bu barədə aktrisa "Sputnik Azərbaycan”a müsahibəsində danışıb.
"Bağ evimdə Şərqə aid otaq da var ki, orada müxtəlif Şərq ölkələrindən olan əşyalar tapmaq olar. Anam uzun müddətdir qədim mis sini və səhəng arzusunda idi. Mən onları Bakıda tapmağa müvəffəq oldum. Onlar XVIII əsrə aiddir. Satıcı hətta endirim etdi, məni otelə qədər ötürdü. Bu əşyalarla mehmanxanaya qayıdanda oradakı əməkdaşları nə almağım maraqlandırdı. Aldıqlarımı göstərib qiymətlərini deyəndə, onlar mənə aldadıldığımı söylədi. Mən isə onlara cavabımda dedim ki, bu, mənim üçün böyük endirim, sizin üçün isə aldanmaqdır”, - Rutberq bildirib.
Qeyd edək ki, M. Rutberq Bakıya III M.A.P Beynəlxalq Teatr Festivalı çərçivəsində gəlib.
Xəbərdən istifadə edərkən istinad etmək vacibdir.
