"Azərikimya” İB-də Azərbaycan Kimya sənayesinin 70 illik yubileyinə və 20 sentyabr Neftçilər gününə həsr olunmuş şahmat turnirinə start verilib.

Sumqayıtda fəaliyyət göstərən idarə və müəssisələrin kollektivləri arasında qarşılıqlı əlaqələrin genişləndirilmsinə, xoş və səmimi münasibətlərin yaradılmasına xidmət edən şahmat turnirində iştirak etmək üçün «Azərikimya» İB-nin idarə aparatının, Etilen-polietilen zavodunun, Təmir-tikinti İdarəsinin, Sumqayıt Texnologiyalar Parkının, FHN Regional İdarəsinin, Sumqayıt Dövlət Universitetinin, şəhər Təhsil və Səhiyyə şöbələrinin, Sumqayıt Regional Elektrik Şəbəkəsinin, Qaz-istismar İdarəsinin, YAP Sumqayıt şəhər təşkilatının, AZAL şirkətinin, "Qartal” firmasının komandaları da daxil olmaqla 16 komanda qeydiyyatdan keçib.

FİDE-nin qaydalarına uyğun, İsveçrə sistemi ilə, təcrübəli şahmat hakimlərin nəzarəti altında iki gün davam edəcək yarışlara avqustun 28-də yekun vurulacaq.

Qalib komandalar "Azərikimya” İB-nin Həmkarlar İttifaqı Komitəsi tərəfindən xüsusi diplomlar və pul mükafatları ilə təltif olunacaqlar. Yarış boyu maraqlı oyunu ilə fərqlənən komandalara da həvəsləndirici mükafatların verilməsi nəzərdə tutulmuşdur.

Turnir 2 gün davam edəcəkdir. Arzu edənlər iştirak edə bilərlər.