Öyrənmək heç vaxt gec deyil. bu məsəlin doğru olduğunu 56 yaşlı Sumqayıt sakini Nübar xanım bir daha sübüt edib. Onun təhsil həvəsi isə sosial şəbəkələrdə populyarlaşmasına səbəb olub.
Övladlarının ali məktəbə hazırlığı onu həvəsləndirdi.
56 yaşlı Sumqayıt sakini Nübar Qasımova ingilis dili səviyyəsini müəyyən edən beynəlxalq imtahan IELTS-a qatılıb.
Nübar Qasımovanın oxumaq əzmi onu sosial şəbəkələrdə populyarlaşdırıb. Onun bu addımı gənclər tərəfindən rəğbətlə qarşılanıb.
Fars və ingilis dili müəlliməsi olan Nübar Qasımova bunları yetərli saymayaraq dil biliklərini artırmaq istəyir. Xanımı bu cür addıma atmağa həvəsləndirən isə oğlunun uğurları olub.
Sınaqda yaxşı nəticə olmasa da, ingilis dili səviyyəsini qaldırana qədər hazırlaşacağını deyir.
Xəbərdən istifadə edərkən istinad etmək vacibdir.
