Böyük və ya kiçik olmasından asılı olmayaraq  hər bir şəhərə mahnı bəstələnməsi təbiidir. Həvəskar bəstəkar -müğənni Yaroslav Semyonov isə nə az,nə çox, vaxtıilə yaşadığı Sumqayıt haqda 20-dən çox  mahnı bəstələyib və və özü də ifa edib. Sevdiyi doğma şəhər haqda o qədər mahnı bəstələyib ki,artıq onların  dəqiq sayını belə itirib.Əlbəttə bir şəhər,kənd, rayon haqda ayrı-ayrı adamlar tərəfindən yüzlərlə mahnı qoşula bilər  ,ancaq çox nadir hallarda olur ki,bəlkə də belə bir hal olmayıb ki, bir bəstəkar, həvəskar olsa belə hansısa şəhər haqqında onlarla mahnı bəstələsin,üstəlik özü də oxusun.Özü də ən əsası isə bu mahnılar heç də aşağı səviyyəli deyil,sevilən mahnılardır.Bunu ,Yaroslavın əsasən "Odnoklassnik” sosial şəbəkəsində, "YouTube”da yerləşdirdiyi mahnılara olan müsbət reaksiyalar,şərhlər,bəyənmə sayları da göstərir.O həmçinin mahnılarına hazırladığı  saysız-hesabsız klipləri belə özü hazırlayır.Axırıncı dəfə Azərbaycana gələndə o AzTV-nin "Mədəniyyət” kanalında Güllü Yoloğlunun təqdimatında  efirə gedən "Keçmişdən gələcəyə” verilişinin də qonağı olub və bu veriliş  tamaşaçılar təfəfindən maraqla qarşılanıb. Bundan başqa doğma şəhərində   Nəsimi adına Mədəniyyət və İstirahət Parkının "Yaşıl teatr”ında sumqayıtlılar qarşısında  azərbaycan dilində mahnılar oxuyub. O "Rusiya Azərbaycan məktəblilərinin gözü ilə” adlı intellektual müsabiqəsi çərçivəsində müsabiqənin təşkilatçısı ,Moskva vilayəti Azərbaycanlılarının Regional milli-mədəni muxtariyyəti təşkilatının sədri,  Qalib Ağayevin dəvəti ilə  Mingəçevirdəki 3 saylı orta məktəbdə, "Xəzər” universitetində və "Atatürk” liseyində də çıxış edib.

Ümumiyyətlə rus dilində bir çox həzin  mahnıların müəllifi  olan Yaroslavın Azərbaycana, konkret desək Bakıya ,Mingəçevirə,Gəncəyə,  Abşerona həsr etdiyi mahnıları olsa da ,bəstələdiyi və oxuduğu mahnılarının əksəriyyətini 22 yaşınacan yaşadığı və vurğunu olduğu Sumqayıtla bağlı mahnılar təşkil edir.Anası ömrünün böyük hissəsini Sumqayıtda yaşayan rus,atası isə azərbaycanlı olan Yaroslav uzaq Saxalində də,findilli  Voknavolok kəndində çıxış edəndə də azərbaycanlı olmasını fəxrlə vurğulayır.

Bildiyimiz kimi Sumqayıtı tərənnüm edən ən məşhur  mahnı  ,sovet ideologiyasını əks etdirsə də illər öncə görkəmli bəstəkarımız Səid Rüstəmovun yazdığı  "Sumqayıt "("Canlanır hər qarış çöl Sumqayıtda” )mahnısıdır ki,hansıki az qala Sumqayıtın himninə çevrilib.Amma Sumqayıt haqda ən çox, gözəl və mənalı mahnılar bəstələyən bəlkə də Yaroslav Semyonovdur. Bu baxımdan  bəlkə də o Ginnesin Rekordlar Kitabına da düşə bilər. Ümumiyyətlə Yaroslav çox maraqlı şəxsdir.

Rusiyanın Kareliya Respublikasının Kostomukşa şəhərinin 61 yaşlı sakini olan Yaroslav Semyonov Azərbaycanda doğulub,gənclik  illərini Sumqayıtda şəhərində keçirib.Azərbaycanı, adət-ənənələrimizi və musiqimizi çox sevən,Rusiyada yaşasa da özünü "34-cü kvartal uşağı” sayır.

Hal-hazırda təqaüddə olan Semyonov cəmi 30 min əhalisi olsa da çox müasir şəhər olan yaşadığı Kostomukşa şəhərində,Rusiyanın bir çox bölgələrində,Moskvada  müxtəlif növ tədbirlərdə,festivallarda,konsertlərdə çıxış edir.

Maraqlıdır ki, vaxtı ilə Sumqayıtda yaşayan bir neçə tanış rus ,ona dedyinə görə Sumqayıtda,dahi  rus şairi Puşkinin adını daşıyan küçənin adının dəyişdirilməsini,hətta şəhərdə yerləşən rus-provoslav qəbirstanlığının dağılmasını deyib.

Ancaq Yaroslav Semyonov azərbaycanlılar haqda yüksək fikirdə olduğundan buna inanmadığını bildirib və bunun belə olmadığını sübut etmək üçün  həm qəbirstanlığın,həm də Puşkinin adı həkk olunmuş löhvəni çəkib ki,həmin adamlara göstərsin.

O, Polad Bülbüloğlunun sənətinin və ifasının vurğunu olduğunu da bildirib. "Xüsusilə də "Gəl, ey səhər” mahnısını çox sevirəm. Azərbaycanı, vətənimi çox sevirəm. Soruşan olanda deyirəm ki, milliyyətcə azərbaycanlıyam”, – Yaroslav deyir.Vaxtı ilə yaşadığı , ürəyində əziz xatirələr  kimi  saxladığı Sumqayıtı qarış-qarış gəzib onu videolentə alan   Yaroslav bildirir ki, hər səfərində Azərbaycanda gördüyü ,keçirdiyi xoş hisslər onu yeni mahnlar yazmağa sövq edir .Rusiyada  vətənimizi,onun müsiqisini mətbəxini ,adət-ənənlərini təbliğ edən Yaroslavın dediyinə görə, Azərbaycanı özünə ana vətən sayır. Lakin Yaroslav  bütün bunlara baxmayarq onu da qeyd edir ki,indiki Sumqayıt ona  nə qədər əziz olsa da, əvvəlki Sumqayıtın yerini verməz.

O əvvəllər Sumqayıtda SK(indiki Sumqayıt Dövlət Musiqili Dram teatrı)klubunda musiqi kollektivində çıxış edib.Məhz Sumqayıta olan sevgisindəndir ki,onun "Odnoklassnik” dəki səhifəsi köhnə və təzə Sumqayıtın əks olunduğu fotolarla doludur.

Maraqlıdır ki,o yerli DTV kanalında da olub,ancaq Azərbaycanı,Sumqayıtı təbliğ edən rusa icra hakimiyyəti səviyyəsində heç bir diqqət  ayrılmayıb. Halbuki Sumqayıtın rəsmiləri buna ancaq sevinməli idilər. Yerli icra hakimiyyəti  ,bəzən elə də önəmli olmayan tədbirlərə böyük xərc çəkir,diqqət ayırır,şəhərə tez-tez şou-biznes nümayəndələrini oxumağa dəvət edir,ancaq Yaroslavla nəinki maraqlanmayıblar,bəzi sumqayıtlılar bunu onların nəzərinə çatdırsalar da onun vətənpərvərliklə dolu yaradıçılığına çox etinasız yanaşıblar. Halbuki ölkənin  bir çox mədəniyyət strukturlarının,diaspor təşkilatlarının böyük vəsait hesabına Azərbaycanı  xaricdə təbliğ etmək sahəsində gördüyü işdən də az olmayan işi  o təkbaşına və təmənnasız edir. Görünür bizim bəzi məmurların vətənpərvərliyi ,öz şəhərlərini istəməsi heç də  təmənnasız deyil… "Maraq” yoxdur deyə maraq da yoxdur … Ancaq Yaroslav bundan qətiyyən pis olmur .Çünki onun üçün ən əsas özünün dediyi kimi  sumqayıtlılıların sevgisidir və onların qarşısında çıxış etmək onun üçün ən böyük xöşbəxtlikdir. Sumqayıtlılar da öz növbəsində onun Sumqayıta və sumqayıtlılara,ümumiyyətə Azərbaycana,azərbaycanlara olan məhəbbətini  cavabsız qoymur onu sevir və yaradıcılığını dəyərləndiririr.Adam düşünür ki, onda olan vətənpərvərliyin  heş olmasa az hissəsi bizim bəzi məmurlarda olsa idi pis olmazdı.

Maraqlıdır ki,30 ildən çoxdur ki,vətənində ,Sumqayıtda olmayan,oxuduğunun qarşılığında heç bir maddi maraq güdməyən,müğənniliyi daha çox hobbi sayan Yaroslav Semyonov Azərbaycana ilk gəlişi "Odnoklassnik” sosial şəbəkəsində dostluğunda olan Sumqayıt sakini Ələkbər Zeynalovun dəvəti ilə baş tutub.Öz hesabına Sumqayıta gələn Yaroslav iki  dəfə də xaricdə, Avropada, Rusiyada yaşayan yaşayan həmvətənlərimizin  və onu sevən sumqyıtlıların köməkliyi  sayəsində yolpulu edib vətəninə gəlib. Təsəvvür edin ki,bu  adam Sumqayıtı o qədər sevir ki,indi ancaq xatirələrdə qalan köhnə Sumqayıt tramvaylarından,  bir çox sumqyıtlıların hər gün gedib-gəldiyi Sumqayıt-Bakı yolundan, hətta Nizami küçəsi haqda belə mahnı yazıb. (Qafqaznews.az)