Sentyabrın 15-də növbəti tədris ilinin başlanması ilə əlaqədar Bakıdakı
orta məktəblərin birində maraqlı hadisə baş verib. Hövsan qəsəbəsi,
Vaqif Mirzəliyev adına 281 saylı orta məktəbin I sinfinə şagird "toy
karvanı” ilə gətirilib.
Hadisə yerində olan Cebhe.info əməkdaşının verdiyi məlumata görə,
məktəbin həyətində toplaşan valideyn və şagirdlər əvvəlcə nə baş
verdiyini anlamayıblar. Toplaşanlar avtomobildəkilərin şadlıq evi ilə
məktəb binasını səhv saldığını zənn ediblər.
Sonradan məlum olub ki, təmtəraqlı mərasimə səbəb bir şagirdin ilk dərs
günü olub. Valideynləri və yaxın qohumları şagirdi I sinifə toy adəti
ilə, gül-çiçəklə bəzədilmiş avtomobillə gətiriblər.
Xəbərdən istifadə edərkən istinad etmək vacibdir.
