Vüsal adlı Sumqayıt sakini Milli Onkologiya Mərkəzindən şikayət edir. Şikayət məktubunu olduğu kimi diqqətinizə çatdırırıq.

"Mənim şikayətim bu Milli Onkologiya Mərkəzindəndir! Burada az qala hər şey pulladır. Qeydiyyat 10 manat, xəstəyə baxış 20-30 manat, xəstəyə təyin olunan kimya sistemi 250 manatdan başlayır! Burada Azərbaycan Respublikası Prezidentinin onkoloji xəstələrə dava-dərmanın, ümumiyyətlə müalicənin pulsuz olması ilə bağlı müvafiq fərmanını xatırladanda adama elə pis baxırlar ki, adam qorxur ki, xəstənə nəsə edərlər, sonda məcburiyyətdən tələb etdikləri pulu tapıb verir! Bir xəstəyə normal halda 6 kimya verilməlidir, 6 kimya isə 1500 manat edir (6X250=1500 AZN!!!).
Axı məndə bu qədər pul hardandır?! Xahiş edirəm şikayətimi müvafiq qurumlara çatdırasınız."